ورلڈ اربن فورم: مریم نواز نے پنجاب پویلین کا افتتاح کردیا، ’اپنی چھت اپنا گھر‘ پروگرام پر شرکا کو بریفنگ

منگل 19 مئی 2026
icon-facebook icon-twitter icon-whatsapp

وزیراعلیٰ پنجاب مریم نواز شریف کے آذربائیجان کے دورے کے دوران ورلڈ اربن فورم میں قائم کیا گیا پنجاب پویلین عالمی مندوبین کی خصوصی توجہ کا مرکز بن گیا۔

وزیراعلیٰ مریم نواز شریف باکو میں منعقدہ ورلڈ اربن فورم میں شریک ہوئیں، جہاں انہوں نے پنجاب پویلین کا افتتاح کیا اور اس کا تفصیلی معائنہ بھی کیا۔

افتتاحی تقریب میں بین الاقوامی میڈیا کی بڑی تعداد نے شرکت کی، جبکہ مختلف ممالک سے آئے وفود، شرکا اور میڈیا نمائندگان نے وزیراعلیٰ سے ملاقاتیں بھی کیں۔

اس موقع پر وزیراعلیٰ نے غیر ملکی شرکا کو پنجاب کے افورڈ ایبل اربن ہاؤسنگ پراجیکٹس کی کامیابیوں سے آگاہ کیا۔ عالمی میڈیا نے حکومت پنجاب کے ’اپنی چھت، اپنا گھر‘ پروگرام کی رفتار اور پیش رفت کو ایک مثال قرار دیا۔

پویلین میں اس منصوبے پر مبنی ایک دستاویزی فلم بھی دکھائی گئی جس میں اسکیم کے تحت تعمیر ہونے والے گھروں اور مستفید ہونے والے افراد کی کہانیوں کو پیش کیا گیا۔

دستاویزی فلم دیکھنے کے بعد عالمی مہمانوں اور میڈیا نمائندگان نے تالیاں بجا کر منصوبے کو سراہا۔ حکام کے مطابق صرف ایک سال کے دوران ’اپنی چھت، اپنا گھر‘ اسکیم کے تحت ایک لاکھ سے زیادہ گھر مکمل کیے جا چکے ہیں۔

پنجاب پویلین میں موجود عالمی وفود اور میڈیا نے اس پروگرام کو سراہتے ہوئے وزیراعلیٰ مریم نواز شریف کے وژن اور اقدامات کو خراجِ تحسین پیش کیا۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

سینیئر صحافیوں کا ’وی نیوز‘ اسلام آباد دفتر کا دورہ، استقبال اور تحائف پیش

  اسلام آباد میں فیفا ورلڈ کپ 2026 کی تقریبات کا آغاز، سیالکوٹ کی فٹبال نے میلہ لوٹ لیا

عمران خان کی حکومت کے خاتمے میں بیرونی سازش ثابت نہیں، سائفر پر بحث پرانا سیاسی بیانیہ

ایران پر حملے کا فیصلہ ایک گھنٹے میں کرنے والا تھا لیکن پھر معاملہ مؤخر کردیا، امریکی صدر ڈونلڈ ٹرمپ

پاکستان اور ایشیائی بینک کے درمیان بڑا معاہدہ، این-5 کی تعمیرِ نو کے لیے 32 کروڑ ڈالر قرض کی منظوری

ویڈیو

سینیئر صحافیوں کا ’وی نیوز‘ اسلام آباد دفتر کا دورہ، استقبال اور تحائف پیش

بلوچستان کے نوجوانوں کی سماجی و اقتصادی ترقی کے پروگرام میں بھرپور شرکت

سعد رفیق کیخلاف سوشل میڈیا مہم، شیخ سائرہ کی روتے ہوئے لیگی رہنما سے اپیل، ایران پر حملے کی تیاری، امریکا کا پیغام

کالم / تجزیہ

سندھ طاس: ثالثی عدالت کے فیصلے کے بعد کیا ہو گا؟

وزیر آغا‘ ایک عہد جو مکالمہ بن گیا

قدم قدم سوئے حرم