پاکستان ویمنز کرکٹ ٹیم کو آئی سی سی ویمنز ٹی20 ورلڈ کپ 2026 سے قبل بڑی کامیابی ملی ہے جہاں زمبابوے کے خلاف کراچی میں صفر کے مقابلے میں 3 سے سیریز جیتنے کے بعد کئی پاکستانی کھلاڑیوں نے آئی سی سی ویمنز ٹی20 انٹرنیشنل پلیئر رینکنگ میں نمایاں ترقی کی ہے۔
یہ بھی پڑھیں: فاطمہ ثنا کا ایک اور سنگ میل: صرف 15 گیندوں پر نصف سینچری بناکر ٹی 20 کا نیا عالمی ریکارڈ قائم کردیا
کپتان فاطمہ ثنا، اسپنر سعدیہ اقبال اور تجربہ کار بائیں ہاتھ سے بولنگ کرنے والی نشرا سندھو کی شاندار کارکردگی نے ٹیم کی ورلڈ کپ تیاریوں میں نیا جوش بھر دیا ہے۔
Big gains for a host of Pakistan players on the latest T20I rankings update 👀
Details 👇https://t.co/jX9ccb9o9R
— ICC (@ICC) May 19, 2026
انگلینڈ کے 7 مختلف مقامات پر کھیلا جانے والا 12 ٹیموں پر مشتمل آئی سی سی ویمنز ٹی20 ورلڈ کپ 12 جون سے شروع ہوگا۔
فاطمہ ثنا کی بیٹنگ اور بولنگ رینکنگ میں ترقی
پاکستان ویمنز ٹیم کی کپتان فاطمہ ثنا کو سیریز کے آخری میچ میں ناقابل شکست 62 رنز کی اننگز پر پلیئر آف دی میچ قرار دیا گیا۔
Fatima Sana sends a warning ahead of the Women’s #T20WorldCup 2026 with a record-breaking fifty 👀
Details 👉 https://t.co/UAUVTTFljC pic.twitter.com/qsyVs3VPc6
— ICC (@ICC) May 16, 2026
اس شاندار کارکردگی کے بعد وہ ٹی20 بیٹرز کی رینکنگ میں 4 درجے ترقی کرکے 23ویں نمبر پر پہنچ گئی ہیں جو ان کی کیریئر کی بہترین رینکنگ ہے۔
مزید پڑھیے: پاکستان ویمنز کا زمبابوے کے خلاف ٹی 20 میں بھی کلین سوئپ، تیسرے میچ میں 133 سے کامیابی
فاطمہ ثنا نے سیریز میں مجموعی طور پر 5 وکٹیں بھی حاصل کیں جس کے بعد وہ بولرز کی رینکنگ میں 6 درجے ترقی کرکے 29ویں نمبر پر آ گئی ہیں۔
پاکستانی اسپنرز کی رینکنگ میں بھی بہتری
نشرا سندھو نے زمبابوے کے خلاف سیریز میں 5 وکٹیں حاصل کیں جس کے بعد وہ ایک درجہ ترقی کرکے ٹی20 بولرز کی رینکنگ میں مشترکہ 7ویں نمبر پر پہنچ گئی ہیں۔
سعدیہ اقبال کی پہلی پوزیشن برقرار
پاکستان کی اسپنر سعدیہ اقبال زمبابوے کے خلاف 6 وکٹیں لینے کے بعد بدستور ٹی20 بولرز کی عالمی رینکنگ میں پہلے نمبر پر موجود ہیں۔
اسی طرح طوبیٰ حسن نے بھی عمدہ کارکردگی دکھاتے ہوئے 16 درجے ترقی کی اور اب وہ 44 ویں نمبر پر پہنچ گئی ہیں۔
عائشہ ظفر اور ایمن فاطمہ کی پوزیشنز میں بھی نمایاں بہتری
بیٹنگ رینکنگ میں عائشہ ظفر اور ایمن فاطمہ نے بھی نمایاں ترقی کی۔ عائشہ ظفر مشترکہ طور پر 52ویں جبکہ ایمن فاطمہ 89ویں نمبر پر آ گئی ہیں۔
Pakistan gear up for a shot at maiden Women’s #T20WorldCup glory with a strong 15-member squad 💪
Details 👉 https://t.co/DsTKpZR0yx pic.twitter.com/6gXgWbLRu8
— ICC (@ICC) May 16, 2026
دونوں کھلاڑی ورلڈ کپ سے قبل ٹاپ 100 سے باہر تھیں۔
انگلینڈ اور نیوزی لینڈ کی کھلاڑیوں کی بھی ترقی
ون ڈے رینکنگ میں انگلینڈ اور نیوزی لینڈ کے درمیان 1-1 سے برابر رہنے والی سیریز کے بعد انگلینڈ کی فاسٹ بولر لارین بیل 3 درجے ترقی کرکے 18ویں نمبر پر پہنچ گئی ہیں۔
آل راؤنڈرز کی فہرست میں بھی لارین بیل 22ویں نمبر پر آ گئی ہیں۔
مزید پڑھیں: ویمنز ون ڈے: پاکستان نے زمبابوے کو وائٹ واش کرکے سیریز 0-3 سے اپنے نام کرلی
نیوزی لینڈ کی بروک ہالیڈے بیٹنگ رینکنگ میں 3 درجے ترقی کرکے 14ویں نمبر پر پہنچ گئی ہیں جبکہ ان کی ساتھی ازابیلا گیز اور انگلینڈ کی چارلی ڈین نے بھی نمایاں بہتری حاصل کی ہے۔
