چیئرمین پاکستان پیپلز پارٹی بلاول بھٹو زرداری کا کہنا ہے کہ وزیراعظم شہباز شریف اور فیلڈ مارشل عاصم منیر ایران امریکا تنازع حل کروانے کی بھرپور کوششیں کر رہے ہیں اور ہم دعاگو ہیں کہ وہ اپنے مقصد میں کامیاب ہوجائیں۔
یہ بھی پڑھیں: اسلام آباد میں امن مذاکرات کی تیاریاں، وزیراعظم شہباز شریف اور بلاول بھٹو کا ٹیلیفونک رابطہ
انہوں نے یہ بات کراچی میں 39 کلومیٹر طویل شاہراہ بھٹو ایکسپریس وے کے افتتاح کے موقعے پر کی۔ یہ شاہراہ کراچی کے علاقے قیوم آباد کو ایم-9 موٹروے سے ملاتی ہے اور وزیراعلیٰ سندھ سید مراد علی شاہ کے مطابق اس منصوبے کا فیز III تقریباً 65 ارب روپے کی لاگت سے مکمل ہوا۔
افتتاحی تقریب سے خطاب کے دوران بلاول بھٹو نے کہا کہ ایران اور امریکا کے درمیان امن معاہدہ ہوجانا چاہیے اس سے دیگر فوائد کے علاوہ عوام کی معاشی مشکلات میں بھی کمی آجائے گی۔
چیئرمین پاکستان پیپلز پارٹی بلاول بھٹو زرداری نے قیوم آباد تا ایم نائن موٹروے تک 39 کلومیٹر طویل سگنل فری شاہراہ بھٹو کا افتتاح اور کراچی بندرگاہ سے قیوم آباد کوریڈور منصوبے کا سنگ بنیاد رکھ دیا۔ @BBhuttoZardari
#ShahrahEBhuttoByPPP pic.twitter.com/i5pXovCO0r— PPP (@MediaCellPPP) May 22, 2026
انہوں نے کراچی پورٹ کو قیوم آباد سے ملانے والے ایک نئے ایکسپریس وے منصوبے کا سنگ بنیاد بھی رکھا۔
مزید پڑھیے: اسلام آباد مذاکرات کا انعقاد خطے میں کشیدگی کم کرنے کے سلسلے میں بڑی کامیابی ہے، بلاول بھٹو
اس موقعے پر وزیراعلیٰ سندھ مراد علی شاہ نے بتایا کہ شاہراہ بھٹو ایکسپریس وے میں 6 انٹرچینجز، 6 لینز اور 5 کلومیٹر طویل ایلیویٹڈ سیکشن شامل ہے۔
انہوں نے کہا کہ منصوبے کا پہلا 9 کلومیٹر حصہ جنوری 2025 میں جبکہ دوسرا 4 کلومیٹر حصہ گزشتہ سال جون میں افتتاح کیا گیا تھا اور اب باقی حصہ مئی 2026 میں مکمل ہو کر افتتاح کے لیے پیش کیا گیا ہے۔
لائیو: قیوم آباد تا ایم نائن موٹروے تک 39 کلومیٹر طویل سگنل فری شاہراہ بھٹو کے افتتاح اور کراچی بندرگاہ سے قیوم آباد کوریڈور منصوبے کی سنگ بنیاد کی تقریب https://t.co/kCCkgfAGWt
— PPP (@MediaCellPPP) May 22, 2026
وزیراعلیٰ سندھ کے مطابق یہ منصوبہ تقریباً 4 سے 4.5 سال میں مکمل ہوا تاہم اگر حکومت آبادی کے انخلا سے بچنے کی پالیسی نہ اپناتی تو یہ منصوبہ اس سے پہلے مکمل ہو سکتا تھا۔
انہوں نے کہا کہ یہ منصوبہ کراچی سے باہر سندھ، پنجاب اور بلوچستان جانے والے مسافروں کے لیے سفر کا وقت تقریباً ایک گھنٹہ کم کر دے گا۔
مراد علی شاہ نے مزید بتایا کہ کراچی میں مجموعی طور پر 1700 ارب روپے کے ترقیاتی منصوبے جاری ہیں جبکہ گزشتہ 3 ماہ میں 70 ارب روپے سے زائد کے منصوبوں کی منظوری دی گئی ہے۔
مزید پڑھیں: بلاول بھٹو کا دورہ کوئٹہ: صحت کے بڑے منصوبوں کا افتتاح، پیپلز ایئر ایمبولینس اور جدید حادثاتی طبی مرکز فعال
ان کے مطابق شاہراہ بھٹو فیز III تقریباً 65 ارب روپے کی لاگت سے مکمل ہوا جبکہ قیوم آباد سے پورٹ تک کے حصے پر مزید تقریباً 65 ارب روپے خرچ کیے جائیں گے۔
’جتنی جمہوریت سندھ اور کراچی میں ہے کسی صوبے اور شہر میں نہیں‘
تقریب سے خطاب کے دوران بلاول بھٹو زرداری نے کہا کہ آج جتنی جمہوریت سندھ میں ہے کسی دوسرے صوبے میں نہیں اور جتنی جمہوریت کراچی میں ہے کسی دوسرے شہر میں نہیں۔
چیئرمین پاکستان پیپلز پارٹی بلاول بھٹو زرداری اب سے کچھ دیر بعد شاہراہ بھٹو (قیوم آباد تا کاٹھور M9 موٹروے ) منصوبے کا افتتاح کریں گے۔ @BBhuttoZardari
#ShahrahEBhuttoByPPP pic.twitter.com/MPmPxFlfzA
— PPP (@MediaCellPPP) May 22, 2026
انہوں نے کہا کہ وہ سیاست میں اس لیے آئے ہیں تاکہ شہید محترمہ بے نظیر بھٹو کے ادھورے خوابوں کو پورا کیا جا سکے۔
بلاول بھٹو نے کہا کہ شہید بے نظیر بھٹو تیسری بار وزیرِاعظم بننے والی تھیں لیکن انہیں شہید کر دیا گیا۔
انہوں نے کہا کہ آج انہوں نے اس منصوبے کے پہلے فیز کو مکمل کر کے دکھایا ہے جس کا افتتاح جنوری 2025 میں کیا گیا تھا۔
یہ بھی پڑھیے: معرکہ حق پاکستان کی تاریخ کا سنہرا باب ہے، بلاول بھٹو
بلاول بھٹو زرداری نے کہا کہ پورے پاکستان سے لوگ کراچی آنا چاہتے ہیں اور ان کی جماعت سب کو دعوت دیتی ہے کہ وہ شہر میں آ کر کام کریں۔
انہوں نے کہا کہ صحت کے شعبے میں مفت علاج کی سہولت کراچی کے عوام کے ساتھ ساتھ سندھ اور پورے پاکستان کے لیے ہے اور این آئی سی وی ڈی جیسے اداروں میں 18ویں ترمیم کے بعد نمایاں بہتری آئی ہے۔
چیئرمین پیپلز پارٹی نے کہا کہ سندھ میں پبلک پرائیویٹ پارٹنرشپ کے تحت نئے منصوبے شروع کیے جا رہے ہیں جن میں کیٹی بندر پورٹ ایک اہم منصوبہ ہے جو ممکنہ طور پر دنیا کے منفرد منصوبوں میں شمار ہوگا۔ انہوں نے کہا کہ سندھ میں انٹرنیشنل فنانشل سینٹر بھی قائم کیا جائے گا۔
خطے کی صورتحال پر بات کرتے ہوئے بلاول بھٹو نے کہا کہ خطے میں جاری کشیدگی کا بوجھ عام عوام اٹھا رہے ہیں جو بجلی اور گیس کے بلوں کی صورت میں سامنے آ رہا ہے۔
مزید پڑھیں: بلاول بھٹو کا 47ویں یومِ شہادت پر ذوالفقار علی بھٹو کو خصوصی خراج تحسین
ان کے مطابق خطے میں امن سے معاشی حالات بہتر ہوں گے جبکہ جنگ کے تسلسل سے مشکلات مزید بڑھ سکتی ہیں۔
انہوں نے کہا کہ حکومت عوام پر اضافی بوجھ نہیں ڈالے گی اور کاروباری طبقے کے ساتھ مل کر بڑے ترقیاتی منصوبے مکمل کیے جائیں گے۔
چیئرمین پاکستان پیپلز پارٹی بلاول بھٹو زرداری شاہراہ بھٹو پر ٹول ٹیکس ادا کرر ہے ہیں۔@BBhuttoZardari pic.twitter.com/9ogoQaCJve
— PPP (@MediaCellPPP) May 22, 2026
تھر پارکر منصوبے کا ذکر کرتے ہوئے انہوں نے کہا کہ کوئلے سے بجلی کی پیداوار اور روزگار کی فراہمی بے نظیر بھٹو کا وژن تھا، جس پر عمل جاری ہے۔
مزید پڑھیے: وزیراعظم سے بلاول بھٹو کی ملاقات، مسائل سے نبرد آزما ہونے کے لیے حکومتی پالیسی کی تعریف
بلاول بھٹو نے مزید کہا کہ پاکستان کی دفاعی پیداوار میں بھی کراچی کا کردار بڑھایا جائے گا جبکہ حالیہ کشیدگی کے دوران پاکستان کی دفاعی صلاحیتوں کو عالمی سطح پر تسلیم کیا گیا ہے اور مختلف ممالک پاکستانی دفاعی سامان میں دلچسپی لے رہے ہیں۔
