پاکستان قومی کرکٹ ٹیم نے آج ہی کے دن 2018 میں انگلینڈ کے تاریخی میدان لارڈز میں شاندار کارکردگی کا مظاہرہ کرتے ہوئے میزبان ٹیم کو 9 وکٹوں سے شکست دی تھی۔ یہ فتح کئی حوالوں سے یادگار ثابت ہوئی، کیونکہ 1995 کے بعد یہ پہلا موقع تھا جب انگلینڈ قومی کرکٹ ٹیم اپنے ہوم سیزن کا پہلا ٹیسٹ میچ ہاری تھی۔
🗓️ #OnThisDay in 2018, Pakistan clinched a 9-wicket win in the Lord's Test. It was also the first time since 1995 when England lost their first home Test of the season.
Scorecard: https://t.co/lMrtRWOzTs pic.twitter.com/QWvKeWCbf5
— Pakistan Cricket (@TheRealPCB) May 27, 2026
پاکستان کرکٹ بورڈ نے بھی اس تاریخی کامیابی کو یاد کرتے ہوئے سوشل میڈیا پر اپنے پیغام میں کہا کہ 2018 کے لارڈز ٹیسٹ میں پاکستان نے 9 وکٹوں سے کامیابی حاصل کی، جو شائقینِ کرکٹ کے لیے ایک ناقابلِ فراموش لمحہ تھا۔
لارڈز ٹیسٹ میں پاکستان کے فاسٹ بولرز نے انتہائی عمدہ باؤلنگ کا مظاہرہ کیا۔ محمد عباس کو شاندار کارکردگی پر پلیئر آف دی میچ قرار دیا گیا۔ پاکستان نے انگلینڈ کو پہلی اننگز میں 184 اور دوسری اننگز میں 242 رنز پر آؤٹ کیا، جبکہ 64 رنز کا ہدف صرف ایک وکٹ کے نقصان پر حاصل کر لیا۔
یہ بھی پڑھیں:شاہین آفریدی نے تاریخ رقم کر دی، ورلڈ ٹیسٹ چیمپیئن شپ میں 100 وکٹیں لینے والے پہلے پاکستانی بولر بن گئے
اس تاریخی فتح میں محمد عامر، محمد عباس اور حسن علی کی باؤلنگ نے اہم کردار ادا کیا، جبکہ بیٹنگ میں امام الحق اور حارث سہیل نے ٹیم کو فتح سے ہمکنار کیا۔
