صدر آصف زرداری اور وزیراعظم شہباز شریف نے جمعرات کے روز یومِ تکبیر کے موقع پر اپنے پیغامات میں اس عزم کا اعادہ کیا ہے کہ پاکستان ایک ذمہ دار اور پرامن ملک ہے جو بین الاقوامی
قوانین اور اصولوں کا احترام کرتا ہے۔
صدر مملکت نے اپنے پیغام میں کہا کہ 28 سال قبل کیے گئے جوہری تجربات نے پاکستان کی دفاعی صلاحیت کو مضبوط بنایا اور ملک کو دنیا کی 7ویں ایٹمی طاقت بنا دیا۔
یہ بھی پڑھیں : یوم تکبیر: مقبوضہ کشمیر میں پاکستان کے حق میں پوسٹرز آویزاں، فیلڈ مارشل عاصم منیر کی تصویر بھی چسپاں
انہوں نے سائنسدانوں، انجینئرز اور مسلح افواج کو خراجِ تحسین پیش کرتے ہوئے کہا کہ ان کی محنت، پیشہ ورانہ مہارت اور حب الوطنی کی بدولت پاکستان نے یہ تاریخی سنگ میل حاصل کیا۔
صدر زرداری نے قومی قیادت اور اداروں کے کردار کو بھی سراہا جنہوں نے ملک کی اسٹریٹجک صلاحیتوں کو مضبوط بنایا۔
President @AAliZardari, in his message on #YoumETakbeer, said the nuclear tests conducted 28 years ago established #Pakistan’s deterrence capability and made the country the seventh nuclear power in the world@PresOfPakistan @OfficialDGISPR #RadioPakistan #News… pic.twitter.com/QGVMgDGL9b
— Radio Pakistan (@RadioPakistan) May 28, 2026
وزیراعظم شہباز شریف نے اپنے پیغام میں کہا کہ یہ دن اس حقیقت کی گواہی دیتا ہے کہ پاکستان کا دفاع، جس کا تصور علامہ محمد اقبال نے دیا اور جسے قائداعظم محمد علی جناح نے عملی شکل دی
مضبوط اور قابل ہاتھوں میں ہے۔
مزید پڑھیں: پاکستان نے ایٹمی قوت بن کر جنوبی ایشیا میں توازن بحال کیا، وزیر اعظم شہباز شریف
انہوں نے کہا کہ یوم تکبیرصرف جوہری تجربات کی یاد نہیں بلکہ یہ قومی وقار، قربانی، اتحاد اور وطن کے دفاع کے غیر متزلزل عزم کی علامت ہے۔
وزیراعظم نے کہا کہ پاکستان کی جوہری صلاحیت اور مسلح افواج کی تیاری دشمن کی کسی بھی جارحیت کے خلاف ایک مؤثر رکاوٹ ہیں۔
PM @CMShehbaz in his message, said that the day bears testimony that the defence of #Pakistan remains in strong and capable hands@PakPMO @OfficialDGISPR #RadioPakistan #News https://t.co/Z0nEvgJOXN pic.twitter.com/LSiOBUZ1oU
— Radio Pakistan (@RadioPakistan) May 28, 2026
چیف آف ڈیفنس فورسز اور آرمی چیف فیلڈ مارشل سید عاصم منیر، چیف آف نیول اسٹاف ایڈمرل نوید اشرف اورچیف آف ایئراسٹاف ائیر چیف مارشل ظہیر احمد بابر سدھو نے مسلح افواج کی جانب سے
پاکستان کے عوام کو یومِ تکبیر کی 28ویں سالگرہ پر مبارکباد پیش کی۔
انہوں نے کہا کہ یہ تاریخی سنگ میل قومی اتحاد، استقامت اور خودمختاری کے تحفظ کے غیر متزلزل عزم کی علامت ہے۔
مزید پڑھیں: پانی پاکستان کی ریڈ لائن، کشمیر کو کبھی نہیں بھولیں گے: فیلڈ مارشل کا وائس چانسلرز اور اساتذہ سے خطاب
بیان میں کہا گیا کہ پاکستان کی تزویراتی صلاحیت ایک مقدس قومی امانت ہے جو خطے میں امن، استحکام اور قابلِ اعتبار دفاع کی ضمانت ہے۔
افواجِ پاکستان نے اس عزم کا اعادہ کیا کہ وہ ہر قسم کے خطرات کے خلاف وطن کے دفاع کے لیے ہر وقت تیار ہیں اور قومی سلامتی، استحکام اور خوشحالی کے لیے پرعزم رہیں گی۔
یومِ تکبیر 28 مئی 1998 کو پاکستان کے جوہری تجربات کی یاد میں منایا جا رہا ہے، جنہوں نے ملک کے دفاع کو ناقابلِ تسخیر بنا دیا، اسی دن پاکستان دنیا کی 7ویں اور پہلی مسلم ایٹمی طاقت بنا۔
#COAS and #CDF Field Marshal #SyedAsimMunir, Chief of Naval Staff Admiral #NaveedAshraf and Chief of Air Staff Air Chief Marshal #ZaheerAhmedBaberSidhu on behalf of Armed Forces, on #YoumETakbeer have extended heartfelt felicitations to the proud people of #Pakistan… pic.twitter.com/4B5gyjHFix
— Radio Pakistan (@RadioPakistan) May 28, 2026
یہ تجربات بلوچستان کے ضلع چاغی کے راس کوہ ہلز میں کیے گئے تھے، جن کی قیادت پاکستان کے جوہری پروگرام کے بانی ڈاکٹر عبدالقدیر خان اور ڈاکٹر ثمر مبارک مند نے کی۔
یہ تجربات نہ صرف پاکستان کی خودمختاری اور علاقائی سالمیت کے تحفظ کے عزم کا اظہار تھے بلکہ جنوبی ایشیا میں تزویراتی توازن برقرار رکھنے کا بھی ذریعہ بنے۔
مزید پڑھیں: بھارت کے توسیع پسندانہ عزائم عالمی امن کے لیے خطرہ ہیں: امریکا میں پاکستانی سفیر کی تھنک ٹینکس سے گفتگو
اس وقت کے وزیراعظم نواز شریف نے بین الاقوامی دباؤ کے باوجود بھارت کے جوہری تجربات کے جواب میں جوہری دھماکے کیے، جس سے خطے میں طاقت کا توازن قائم ہوا۔
پاکستان آج بھی جنوبی ایشیا میں امن اور استحکام کے فروغ کے لیے پرعزم ہے جبکہ کسی بھی جارحیت کا مؤثر جواب دینے کی صلاحیت بھی برقرار رکھے ہوئے ہے۔
