’پہنچی وہیں پہ خاک جہاں کا خمیر تھا‘۔ ملک سے باہر بیٹھ کر وطن عزیز پاکستان کے خلاف پروپیگنڈا کرنے والے بھگوڑے یوٹیوبر عادل راجا کا اصل چہرہ سامنے آگیا۔
بھگوڑے عادل راجا نے اسرائیلی اخبار کو پاکستان مخالف انٹرویو دے دیا ہے، جس کے بعد سوشل میڈیا صارفین کی جانب سے یوٹیوبر پر تنقید کے نشتر برسائے جا رہے ہیں۔
’تہمت لگا کے ماں پہ جو دشمن سے داد لے
ایسے سخن فروش کو مر جانا چاہیے‘
مزید پڑھیں: برطانوی عدالت نے عادل راجا کے دعوے مسترد کردیے، پروفیشنل جھوٹا قرار
سماجی رابطے کی سائٹ ’ایکس‘ پر اپنے بیان میں عادل راجا نے کہاکہ ان کا پہلا انٹرویو اس ہفتے کے اختتام پر اسرائیلی اخبار مشپاخہ (Mishpacha) میں شائع ہوگا۔
عادل راجا نے کہاکہ انہوں نے پہلی مرتبہ اسرائیلی صحافی یوسف حائم کے ساتھ تفصیلی گفتگو کی ہے۔
ان کے بقول یہ ایک پیشہ ورانہ اور کھلا تبادلہ خیال تھا جس میں کسی قسم کی سفارتی مصلحت یا پابندی شامل نہیں تھی۔
عادل راجا کا کہنا تھا کہ اس گفتگو کے دوران دونوں جانب پائے جانے والے کئی غلط تصورات کو زیرِ بحث لایا گیا اور باہمی تفہیم کو فروغ دینے کی کوشش کی گئی۔
انہوں نے دعویٰ کیا کہ مذکورہ انٹرویو کئی اہم پہلوؤں کو سامنے لائے گا اور قارئین کے لیے دلچسپی کا باعث بنے گا۔
عادل راجا کی ٹوئٹ سامنے آنے کے بعد پاکستانی سوشل میڈیا صارفین نے بھگوڑے یوٹیوبر کو آڑے ہاتھوں لے لیا، اور شدید تنقید کی جارہی ہے۔
سوشل میڈیا صارفین کا کہنا ہے کہ بیرون ملک بیٹھ کر پاکستان کے خلاف پروپیگنڈا کرنے والے کا اصل چہرہ سامے آگیا ہے۔
مزید پڑھیں: ریاست مخالف بیانیہ، حکومت نے یوٹیوبر عادل راجا پر بڑی پابندی عائد کردی
واضح رہے کہ یوٹیوبر عادل راجا تواتر کے ساتھ پاکستان مخالف پروپیگنڈے میں مصروف ہیں، اور باہر بیٹھ کر ریاستی اداروں کے خلاف تنقید کی جاتی ہے۔
