وزیر اعظم شہبازشریف نے میٹی فریڈرکسن کو مسلسل تیسری بار ڈنمارک کی وزیراعظم منتخب ہونے پر دل کی گہرائیوں سے مبارکباد پیش کی ہے اور دونوں ممالک کے درمیان دیرینہ تعلقات کو مزید مضبوط بنانے کے عزم کا اظہار کیا ہے۔
یہ بھی پڑھیں: دفاع پر سمجھوتا سنگین غلطی تھی، ڈنمارک کے اعتراف نے پاکستان کا مؤقف درست ثابت کردیا
اپنے ایک خصوصی تہنیتی پیغام میں وزیراعظم شہبازشریف نے ڈنمارک کی نو منتخب قیادت کے لیے نیک خواہشات کا اظہار کرتے ہوئے دونوں ممالک کے مابین مختلف شعبوں میں تعاون کو نئی بلندیوں تک لے جانے کی خواہش کا اعادہ کیا۔
Heartiest felicitations to Prime Minister Mette Frederiksen on becoming the Prime Minister of Denmark for the third consecutive term.
I look forward to working closely with her to further strengthen the longstanding friendship and cooperation between Pakistan and Denmark. Our…
— Shehbaz Sharif (@CMShehbaz) June 3, 2026
وزیراعظم شہبازشریف نے کہا کہ وہ پاکستان اور ڈنمارک کے مابین قائم دیرینہ دوستی اور کثیر الجہتی تعاون کو مزید وسعت دینے کے لیے وزیراعظم میٹی فریڈرکسن کے ساتھ مل کر کام کرنے کے منتظر ہیں۔
انہوں نے واضح کیا کہ پاکستان اور ڈنمارک عالمی امن، پائیدار ترقی اور بین الاقوامی تعاون کے فروغ کے لیے یکساں اور مشترکہ عزم رکھتے ہیں، جو دونوں ممالک کے سفارتی تعلقات کی مضبوط بنیاد ہے۔
یہ بھی پڑھیں: اقوامِ متحدہ: پاکستان اور ڈنمارک امن مشنز کی بہتری کے لیے تعاون پر متفق
اپنے پیغام کے آخر میں وزیر اعظم نے اس یقین کا اظہار بھی کیا کہ میٹی فریڈرکسن کی قیادت میں پاکستان اور ڈنمارک کے باہمی تعلقات مزید فروغ پائیں گے جس کے ثمرات دونوں ممالک کے عوام کی باہمی خوشحالی اور فائدے کی صورت میں سامنے آئیں گے۔
