پاکستان ایل این جی لمیٹڈ (پی ایل ایل) نے بین الاقوامی شہرت یافتہ ایل این جی ٹریڈنگ کمپنیوں سے 140 ہزار مکعب میٹر گنجائش کے حامل مائع قدرتی گیس یعنی ایل این جی کے ایک کارگو کی خریداری کے لیے بولیاں طلب کر لی ہیں۔
پی ایل ایل کی جانب سے جاری کردہ ٹینڈر کے مطابق بولیاں 4 جون 2026 کو دوپہر 2 بجے تک جمع کرائی جا سکیں گی، جبکہ بولیاں کھولنے کا عمل اسی روز دوپہر 2:30 بجے انجام دیا جائے گا۔
یہ بھی پڑھیں: پورٹ قاسم میں تاریخی آپریشن، سب سے بڑے ایل این جی کارگو کی بحفاظت ہینڈلنگ
ترمیم شدہ پبلک پروکیورمنٹ ریگولیٹری اتھارٹی (پی پی آر اے) قواعد کے تحت پی ایل ایل بولی میں حصہ لینے والی کمپنیوں کو 4 جون کی رات 10 بجے تک اپنے فیصلے سے آگاہ کرنے کی پابند ہے، جس میں یہ بتایا جائے گا کہ متعلقہ پیشکش قبول کی گئی ہے یا مسترد کر دی گئی ہے۔
مذکورہ کارگو کی ترسیل 6 اور 7 جون 2026 کو متوقع ہے۔
Pakistan is looking to buy LNG from the spot market as Hormuz closure chokes supplies 🇵🇰🚢
Pakistan LNG just released a tender seeking a shipment for this weekend (very prompt). While Qatar was able to get some LNG through Hormuz to Pakistan, flows are still way below normal pic.twitter.com/TuAeRPLhMI
— Stephen Stapczynski (@SStapczynski) June 3, 2026
مارکیٹ ذرائع کے مطابق اس وقت عالمی اسپاٹ مارکیٹ میں ایل این جی کی قیمت 18.61 ڈالر فی ملین برٹش تھرمل یونٹ (ایم ایم بی ٹی یو) سے زائد سطح پر برقرار ہے۔
اسی باعث توقع کی جا رہی ہے کہ بین الاقوامی سپلائرز اپنی پیشکشیں 19.50 سے 20 ڈالر فی ایم ایم بی ٹی یو کے درمیان جمع کرائیں گے۔
مزید پڑھیں: پاکستان کو سستی ایل این جی فراہم کرنے کے لیے عالمی توانائی کمپنیوں کی دوڑ لگ گئی
ماہرین کا کہنا ہے کہ اگر یہی قیمتیں موصول ہوئیں تو یہ حالیہ مہینوں کے دوران پاکستان کی مہنگی ترین ایل این جی درآمدات میں سے ایک ثابت ہو سکتی ہے، کیونکہ عالمی اسپاٹ مارکیٹ میں قیمتیں مسلسل بلند سطح پر ہیں۔
ذرائع کے مطابق پی ایل ایل نے یہ تازہ اسپاٹ ٹینڈر وزیراعظم کی جانب سے قائم کردہ نیشنل کرائسز مینجمنٹ سیل کی ہدایت پر جاری کیا ہے۔
