قومی اقتصادی کونسل (این ای سی) کا آج ہونے والا اہم اجلاس ایک بار پھر مؤخر کر دیا گیا ہے اور اب یہ اجلاس 9 جون کو منعقد ہوگا۔
ذرائع کے مطابق اجلاس کی تاریخ میں یہ تبدیلی تیسری مرتبہ کی گئی ہے، جبکہ اس سے قبل بھی اجلاس کا شیڈول 2 مرتبہ تبدیل کیا جا چکا ہے۔
یہ بھی پڑھیں: قومی اقتصادی کونسل کا اجلاس مؤخر، بجٹ کب پیش ہوگا؟
قومی اقتصادی کونسل کا اجلاس آج سہ پہر 3 بجے وزیراعظم ہاؤس میں منعقد ہونا تھا، تاہم حکومتی اتحادی جماعتوں کے درمیان بجٹ سے متعلق جاری مشاورت کے باعث اسے ملتوی کرنے کا فیصلہ کیا گیا۔
ذرائع کا کہنا ہے کہ حکمراں اتحادی جماعتوں پاکستان پیپلز پارٹی اور پاکستان مسلم لیگ (ن) کے درمیان بجٹ کے مختلف امور پر مشاورت رات گئے تک جاری رہی۔
The National Economic Council meeting has been postponed for the third time. Prime Minister chairs the NEC meeting with four provincial chief ministers in attendance for the approval of new development budgets and economic targets.
The Government is struggling to make budget…— Shahbaz Rana (@81ShahbazRana) June 8, 2026
دونوں اتحادی جماعتوں نے بجٹ تجاویز اور مالی معاملات پر مزید مشاورت جاری رکھنے کا فیصلہ کیا ہے، جس کے باعث قومی اقتصادی کونسل کے اجلاس کی تاریخ دوبارہ تبدیل کی گئی۔
ذرائع کے مطابق اب قومی اقتصادی کونسل کا اجلاس کل 9 جون کو صبح ساڑھے 11 بجے وزیراعظم شہباز شریف کی صدارت میں وزیر اعظم ہاؤس میں ہوگا۔
مزید پڑھیں: نور محمد دمڑ کو قومی اقتصادی کونسل اجلاس میں شرکت مہنگی پڑگئی
اجلاس میں آئندہ مالی سال کے ترقیاتی اور اقتصادی اہداف سمیت اہم مالی امور کا جائزہ لیا جائے گا۔
واضح رہے کہ وفاقی بجٹ کی تیاریوں کے سلسلے میں حکومتی اتحادیوں کے درمیان مشاورت کا عمل جاری ہے اور بجٹ کے مختلف نکات پر اتفاق رائے پیدا کرنے کی کوشش کی جا رہی ہے۔
