نائب وزیراعظم و وزیر خارجہ سینیٹر محمد اسحاق ڈار اور مصر کے وزیر خارجہ بدر عبدالعاطی کے درمیان ٹیلیفونک رابطہ ہوا ہے جس میں خطے کی تازہ صورتحال اور باہمی دلچسپی کے امور پر تبادلہ خیال کیا گیا۔
Deputy Prime Minister/Foreign Minister Senator Mohammad Ishaq Dar @MIshaqDar50 held a telephone conversation today with Egypt’s Foreign Minister Badr Abdelatty.
They discussed regional developments and stressed the importance of continued dialogue and diplomatic engagement. FM… pic.twitter.com/robrhq6M1r
— Ministry of Foreign Affairs – Pakistan (@ForeignOfficePk) June 11, 2026
ترجمان دفتر خارجہ کے مطابق دونوں رہنماؤں نے اس بات پر زور دیا کہ خطے میں پائیدار امن و استحکام کے لیے مسلسل بات چیت اور سفارتی روابط ناگزیر ہیں۔ گفتگو کے دوران موجودہ علاقائی پیش رفت پر بھی تفصیلی تبادلہ خیال کیا گیا۔
مصری وزیر خارجہ بدر عبدالعاطی نے پاکستان کی خطے میں ثالثی اور سفارتی کوششوں کو سراہا جبکہ دونوں فریقین نے اس امید کا اظہار کیا کہ جاری کوششیں جلد کسی باہمی سمجھوتے اور دیرپا امن کی راہ ہموار کریں گی۔
یہ بھی پڑھیں:اسحاق ڈار کی نیویارک میں چینی وزیر خارجہ سے اہم ملاقات
ترجمان کے مطابق مصری وزیر خارجہ نے نائب وزیراعظم و وزیر خارجہ اسحاق ڈار کو رواں ماہ مصر میں ہونے والے ریجنل فور (R-4) ممالک کے وزرائے خارجہ کے اجلاس میں شرکت کی دعوت دی، جو انہوں نے قبول کر لی۔
دونوں رہنماؤں نے مستقبل میں قریبی رابطے جاری رکھنے پر بھی اتفاق کیا۔
