اسلام آباد پولیس نے لاہور ہائیکورٹ کے چیف جسٹس محمد امیر بھٹی کے داماد اور پی ٹی آئی کے سابق صوبائی وزیر علی افضل ساہی کو جوڈیشل کمپلیکس کے باہر سے گرفتار کر لیا ہے۔ علی افضل ساہی انسداد دہشت گردی عدالت ضمانت ملنے کے بعد واپس جا رہے تھے کہ پولیس نے دوسرے کیس میں گرفتار کر لیا۔ ادھر اسلام آباد پولیس نے اپنے آفشیل ٹوئٹر اکاؤنٹ سے ٹویٹ کرکے بتایا ہے کہ پولیس نے علی افضل ساہی کو گرفتار نہیں کیا وہ عدالت سے ضمانت پر ہیں۔
مزید پڑھیں
چیئرمین پی ٹی آئی کی پیشی کے موقع پر توڑ پھوڑ سے متعلق تھانہ گولڑہ میں دہشت گردی ایکٹ کے تحت سابق صوبائی وزیر علی افضل ساہی کے خلاف مقدمہ درج ہے۔ وکیل بیرسٹر قاسم عباسی کے مطابق علی افضل ساہی انسداد دہشت گردی عدالت کے جج راجا جواد عباس حسن کی عدالت میں پیش ہوئے۔ عدالت نے عبوری ضمانت میں 3 جولائی تک توسیع کی ہے۔ سابق صوبائی وزیر کو اسلام آباد پولیس نے دیگر مقدمات میں جوڈیشل کمپلیکس سے واپسی پر گرفتار کیا۔
علی افضل ساہی کو گرفتار نہیں کیا: اسلام آباد پولیس
اسلام آباد پولیس نے اپنے آفشیل ٹوئٹر اکاؤنٹ سے ٹویٹ کرکے بتایا ہے کہ پولیس نے علی افضل ساہی کو گرفتار نہیں کیا وہ عدالت سے ضمانت پر ہیں۔
علی افضل ساہی کو گرفتار نہیں کیا گیا۔
علی افضل ساہی عدالت سے ضمانت پر ہیں۔#ICTP
— Islamabad Police (@ICT_Police) June 13, 2023
