وینزویلا میں آنے والے دو طاقتور اور پے در پے زلزلوں کے نتیجے میں کم از کم 188 افراد کے ہلاک ہونے کی تصدیق ہو چکی ہے جبکہ 1,520 سے زائد افراد زخمی ہوئے ہیں۔
مزید پڑھیں: فلپائن میں 7.8 شدت کا زلزلہ، عمارتیں منہدم، ایشیا بھر میں سونامی الرٹ جاری
غیر ملکی میڈیا کے مطابق معلومات وینزویلا کی قومی اسمبلی کے صدر جارج روڈریگیز نے بتایا ہے کہ تقریباً 200 افراد ملبے تلے پھنسے ہوئے ہیں۔
امریکی جیولوجیکل سروے (یو ایس جی سی) نے خبردار کیا ہے کہ ہلاکتوں کی تعداد 10 ہزار سے ایک لاکھ تک پہنچ سکتی ہے۔
دوسری جانب امریکی وزیر خارجہ مارکو روبیو نے وینزویلا میں آنے والی اس تباہ کن قدرتی آفت پر ردعمل دیتے ہوئے یقین دہانی کرائی ہے کہ امریکا اس بحران سے نمٹنے کے لیے بڑا، تیز رفتار اور مؤثر امدادی ردعمل فراہم کرے گا۔
غیر ملکی میڈیا کے مطابق 7.2 اور 7.5 شدت کے 2 زلزلے چند سیکنڈ کے وقفے سے وینزویلا کے شمالی علاقوں اور دارالحکومت کاراکاس کے قریب آئے، جن کے نتیجے میں متعدد عمارتیں منہدم ہوگئیں، اہم تنصیبات کو نقصان پہنچا اور بڑے پیمانے پر تباہی پھیلی۔
وینزویلا کی عبوری صدر ڈیلسی روڈریگیز کے مطابق ابتدائی طور پر کم از کم 32 افراد ہلاک اور 700 سے زائد زخمی ہوئے ہیں، تاہم یہ تعداد مزید بڑھنے کا خدشہ ہے۔
The United States Geological Survey (USGS) estimates that thousands could have lost their lives or been severely injured in tonight’s double earthquakes in Venezuela.
The first quake had a magnitude of 7.1 and was swiftly followed by a 7.5 magnitude earthquake. pic.twitter.com/kEg9ZCjFMe
— Visegrád 24 (@visegrad24) June 25, 2026
قائم مقام صدر ڈیلسی روڈریگیز نے ہلاکتوں کی تصدیق کرتے ہوئے متاثرہ خاندانوں سے اظہارِ تعزیت کیا،امدادی ٹیمیں ملبے تلے دبے افراد کی تلاش اور زخمیوں کو نکالنے میں مصروف ہیں۔
حکام کے مطابق مرکزی بین الاقوامی ہوائی اڈہ عارضی طور پر بند کر دیا گیا ہے، اسکولوں میں ایک ہفتے کی تعطیل کا اعلان کیا گیا ہے جبکہ متعدد غیر ضروری سرگرمیاں معطل کر دی گئی ہیں۔
Two earthquakes (7.2 and 7.5) struck Venezuela back-to-back, causing major damage and building collapses in Caracas and beyond.
— Aayush (@Oyeaayussh) June 25, 2026
امریکی جیولوجیکل سروے نے اپنی ابتدائی پیجر (PAGER) تشخیص میں کہا ہے کہ زلزلے کے انسانی اثرات انتہائی سنگین ہوسکتے ہیں اور اموات کی تعداد 10 ہزار سے ایک لاکھ کے درمیان رہنے کا امکان ظاہر کیا گیا ہے، اگرچہ یہ حتمی اعداد و شمار نہیں بلکہ ایک ابتدائی سائنسی تخمینہ ہے۔
Deeply saddened by the devastation and loss of life caused by the earthquakes in Venezuela.
On behalf of the people of Pakistan, I convey our heartfelt condolences to the Government and people of Venezuela, especially the families of the victims. We pray for the injured and…
— Shehbaz Sharif (@CMShehbaz) June 25, 2026
دوسری جانب وزیراعظم شہباز شریف نے وینزویلا میں زلزلوں سے ہونے والی تباہی اور جانی نقصان پر گہرے دکھ اور افسوس کا اظہار کیا ہے۔ سماجی رابطے کی ویب سائٹ ایکس پر اپنے پیغام میں انہوں نے کہا کہ پاکستان کے عوام کی جانب سے حکومت اور عوامِ وینزویلا خصوصاً متاثرہ خاندانوں سے دلی تعزیت کا اظہار کرتے ہیں۔ انہوں نے زخمیوں کی جلد صحتیابی کے لیے دعا کرتے ہوئے کہا کہ پاکستان اس مشکل گھڑی میں وینزویلا کے ساتھ مکمل یکجہتی کا اظہار کرتا ہے۔
The two major earthquakes that just hit the great people of Venezuela are both massive in scale and have left a devastating number of deaths. The U.S.A. stands ready, willing, and able to help! I have instructed all agencies of our government to get ready to move quickly. We will… pic.twitter.com/KdDxoLKCEA
— Commentary Donald J. Trump Truth Social Posts On X (@TrumpTruthOnX) June 25, 2026
ادھر امریکی صدر ڈونلڈ ٹرمپ نے بھی متاثرین سے اظہارِ ہمدردی کرتے ہوئے کہا ہے کہ وینزویلا میں آنے والے دونوں بڑے زلزلے انتہائی تباہ کن ثابت ہوئے ہیں اور ابتدائی اطلاعات تشویشناک ہیں۔ انہوں نے کہا کہ امریکا امدادی کارروائیوں کے لیے تیار ہے اور متعلقہ اداروں کو فوری امداد کی تیاری کا حکم دے دیا گیا ہے۔ ٹرمپ کے مطابق امریکا مدد کے لیے تیار، خواہاں اور مکمل طور پر قابل ہے، ہم اپنے نئے دوستوں کے ساتھ کھڑے ہوں گے۔
زلزلوں کے بعد وینزویلا میں ہنگامی حالت نافذ کردی گئی ہے جبکہ امدادی ٹیمیں ملبے تلے دبے افراد کو نکالنے کے لیے مسلسل کارروائیاں کر رہی ہیں۔ حکام نے مزید آفٹر شاکس کے خدشے کے پیش نظر شہریوں کو احتیاط برتنے کی ہدایت کی ہے۔
