پاکستان اور بھارت نے دوطرفہ قونصلر رسائی معاہدہ 2008 کے تحت ایک بار پھر ایک دوسرے کی تحویل میں موجود قیدیوں کی تازہ فہرستوں کا تبادلہ کیا ہے۔
سفارتی ذرائع کے مطابق پاکستان نے بھارت کو مجموعی طور پر 715 پاکستانی قیدیوں کی فہرست فراہم کی، جن میں 409 سویلین اور 306 ماہی گیر شامل ہیں۔ یہ فہرست نئی دہلی میں پاکستان کے ناظم الامور سعد وڑائچ نے بھارتی حکام کے حوالے کی۔
یہ بھی پڑھیے سزا مکمل کرلینے والے تمام پاکستانی قیدیوں کو واپس بھجوایا جائے، پاکستان کا بھارت سے مطالبہ
ادھر اسلام آباد میں بھارتی مشن کی سربراہ گیتیکا شریواستو نے بھارت کی تحویل میں موجود پاکستانی قیدیوں سے متعلق فہرست پاکستانی حکام کے سپرد کی۔
سفارتی ذرائع کا کہنا ہے کہ پاکستان اور بھارت کے درمیان قیدیوں کی فہرستوں کا تبادلہ 2008 کے قونصلر رسائی معاہدے کے تحت ہر سال باقاعدگی سے کیا جاتا ہے، جس کا مقصد دونوں ممالک کی جیلوں میں موجود ایک دوسرے کے شہریوں کی معلومات کا تبادلہ یقینی بنانا ہے۔
