پاکستان نیوی نے اوماڑہ کے مشرق میں سمندر میں ڈوبنے والے کارگو جہاز کے عملے کو بحفاظت ریسکیو کرلیا ہے۔
پاک فوج کے شعبہ تعلقات عامہ (آئی ایس پی آر) کے مطابق پاکستان نیوی نے پاکستان میری ٹائم سیکیورٹی ایجنسی کے تعاون سے ایک کامیاب ہنگامی کارروائی کرتے ہوئے اورماڑہ کے مشرق میں شدید پانی بھرنے کے باعث ڈوبنے والے کارگو دھاؤ سے تمام 20 پاکستانی عملے کے ارکان کو بحفاظت ریسکیو کرلیا۔
یہ بھی پڑھیں: سمندری راستے میں ممکنہ رکاوٹیں، پاکستان نیوی نے آپریشن محافظ البحر شروع کردیا
مشترکہ میری ٹائم انفارمیشن کوآرڈینیشن سینٹر کو ہنگامی اطلاع موصول ہونے پر پی این ایس حنین اور ضروری فضائی وسائل کو فوری طور پر ریسکیو آپریشن کے لیے روانہ کیا گیا۔
ریسکیو آپریشن کے دوران بچاؤ کرنے والی ٹیموں نے پیشہ ورانہ مہارت کا مظاہرہ کرتے ہوئے تمام 20 افراد کو بحفاظت نکال لیا۔ ریسکیو کیے گئے تمام افراد کو ضروری طبی امداد فراہم کی جارہی ہے۔
یہ بھی پڑھیں: پاکستان نیوی کا بحیرہ عرب میں جدید ترین میزائل کا کامیاب تجربہ
کامیاب ریسکیو آپریشن پاکستان نیوی اور پاکستان میری ٹائم سیکیورٹی ایجنسی کے اس عزم کا مظہر ہے کہ وہ سمندر میں انسانی جانوں کے تحفظ کو یقینی بنانے کے لیے ہمہ وقت تیار ہیں اور بحری ہنگامی صورتحال سے نمٹنے کی مکمل صلاحیت رکھتے ہیں۔
