صدر مملکت آصف زرداری نے فرانس کے قومی دن کے موقع پر فرانس کے صدر ایمینیوئل میکران اور فرانسیسی عوام کو دلی مبارکباد پیش کرتے ہوئے دونوں ممالک کے درمیان دیرینہ تعلقات اور شراکت داری کو مزید مضبوط بنانے کے عزم کا اعادہ کیا ہے۔
اپنے تہنیتی پیغام میں صدر مملکت نے کہا کہ پاکستان، فرانس کے ساتھ اپنے دیرینہ تعلقات اور شراکت داری کو انتہائی قدر کی نگاہ سے دیکھتا ہے، جو باہمی احترام، مشترکہ اقدار اور امن، ترقی اور بین الاقوامی قانون کے لیے غیر متزلزل عزم پر مبنی ہیں۔
President Zardari felicitates French leadership on National Day
Islamabad: 14 July 2026 — President Asif Ali Zardari has extended felicitations to the President of the French Republic, Mr. Emmanuel Macron, and the people of France on their National Day.
President Zardari, in… pic.twitter.com/mUbgRTTgDZ
— The President of Pakistan (@PresOfPakistan) July 14, 2026
صدر آصف زرداری نے اس اعتماد کا اظہار کیا کہ پاکستان اور فرانس کے درمیان قریبی تعاون باہمی دلچسپی کے مختلف شعبوں میں مزید فروغ پائے گا، جس سے دونوں ممالک کے عوام کی مشترکہ خوشحالی اور فلاح و بہبود کو تقویت ملے گی۔
صدر مملکت نے اس موقع پر دوطرفہ تعلقات کو مزید مستحکم بنانے اور کثیرالجہتی فورمز پر پاکستان اور فرانس کے درمیان تعاون کو وسعت دینے کے لیے پاکستان کے پختہ عزم کا بھی اعادہ کیا۔
