محکمہ موسمیات نے خبردار کیا ہے کہ مشرقی بھارتی ریاست مدھیہ پردیش پر موجود گہرا کم دباؤ (ڈیپ ڈپریشن) مغرب کی جانب بڑھ رہا ہے، جس کے زیرِ اثر مون سون ہوائیں مسلسل پاکستان کے مشرقی اور وسطی علاقوں میں داخل ہو رہی ہیں۔ اس موسمی نظام کے باعث آج (جمعہ) اور یکم اگست (ہفتہ) کے دوران ملک کے مختلف علاقوں میں گرج چمک کے ساتھ بارش، جبکہ بعض مقامات پر موسلادھار بارش کا امکان ہے۔
مزید پڑھیں:موسلادھار بارشوں کا الرٹ، فلیش فلڈ اور لینڈ سلائیڈنگ کا خدشہ، فیصل آباد میں 2 بچے جاں بحق
بڈھنی پل کے نواحی علاقوں میں بارش اور سیلابی پانی گھروں میں داخل ہونے کے باعث ریسکیو 1122 پشاور کا امدادی آپریشن جاری ہے۔
ریسکیو اہلکار متاثرہ خاندانوں، بالخصوص خواتین اور بچوں کو محفوظ مقامات پر منتقل کر رہے ہیں جبکہ متاثرہ علاقوں میں بروقت امدادی سرگرمیاں جاری ہیں۔ pic.twitter.com/ILK8JgjHXi— Arif Ikram Qazi (@QaziArifIkram) July 31, 2026
محکمہ موسمیات کے مطابق اسلام آباد، راولپنڈی، پوٹھوہار، پشاور، نوشہرہ، گوجرانوالہ، گجرات، سیالکوٹ، لاہور، فیصل آباد اور سندھ کے نشیبی علاقوں میں اربن فلڈنگ کا خدشہ ہے، جبکہ بالائی خیبرپختونخوا، مری، گلیات اور آزاد کشمیر کے حساس علاقوں میں لینڈ سلائیڈنگ ہو سکتی ہے۔ آزاد کشمیر، اسلام آباد، شمال مشرقی پنجاب، خیبرپختونخوا، ڈی جی خان کے برساتی نالوں اور شمال مشرقی بلوچستان میں فلیش فلڈنگ کا بھی خطرہ ظاہر کیا گیا ہے۔
آج اور کل آزاد کشمیر، خیبرپختونخوا، اسلام آباد اور پنجاب میں گرج چمک کے ساتھ بارش اور چند مقامات پر شدید سے انتہائی شدید بارش متوقع ہے۔ سندھ اور شمال مشرقی بلوچستان میں بھی مختلف مقامات پر بارش کی پیش گوئی کی گئی ہے۔
مزید پڑھیں: پنجاب کے بیشتر دریاؤں میں سیلابی صورتحال معمول پر، 5 اگست تک مزید بارشوں اور فلیش فلڈنگ کا الرٹ
Heavy rain caused flooding inside a home in Sargodha, Pakistan, but two ducks appeared completely unbothered as they calmly swam through the rising water inside the living room. The unusual scene showed the animals adapting to the unexpected indoor flood conditions.#pakistan…
— Tomson (@TomsonWoo) July 30, 2026
گزشتہ 24 گھنٹوں کے دوران اٹک میں 75، سیالکوٹ میں 67، جوہرآباد میں 56، لاہور شہر میں 46 اور اسلام آباد کے مختلف علاقوں میں 37 ملی میٹر تک بارش ریکارڈ کی گئی، جبکہ ملک میں گزشتہ روز سب سے زیادہ درجہ حرارت تربت میں 49 ڈگری سینٹی گریڈ ریکارڈ ہوا۔
محکمہ موسمیات نے شہریوں کو ہدایت کی ہے کہ وہ غیر ضروری سفر سے گریز کریں، نشیبی علاقوں اور برساتی نالوں کے قریب احتیاط برتیں اور موسمی صورتحال سے متعلق سرکاری ہدایات پر عمل کریں۔
