زیورخ: یورپی پیشہ ور فٹبال لیگز کے سربراہ نے کہا ہے کہ ورلڈ کپ کے تجارتی حقوق میں حصہ فروخت کرنے کا منصوبہ ناکام ہونے کے بعد فیفا کے صدر جیانی انفانٹینو کی حیثیت برقرار رکھنا مشکل دکھائی دیتا ہے۔
یورپی پروفیشنل فٹبال لیگز کے سربراہ کلاڈیئس شیفر نے، جن کی تنظیم مردوں اور خواتین کی 53 پیشہ ور فٹبال لیگز کی نمائندگی کرتی ہے، میڈیا سے گفتگو کرتے ہوئے کہا کہ اس معاملے کے بعد انفانٹینو کے لیے ‘صرف ایک ہی منطقی نتیجہ’ باقی رہ جاتا ہے۔
یہ بھی پڑھیں: فیفا نے شدید مخالفت کے بعد ورلڈ کپ سرمایہ کاری منصوبہ واپس لے لیا
انہوں نے کہا کہ جب انہیں معلوم ہوا کہ فیفا کے اہم فیصلہ ساز اداروں کو اس منصوبے سے آگاہ ہی نہیں کیا گیا تھا تو کسی بھی کمپنی یا تنظیم میں ایسی صورتحال کا صرف ایک ہی انجام ہوتا ہے۔
اس سوال پر کہ کیا اس کا مطلب یہ ہے کہ انفانٹینو اب فیفا کی صدارت کے لیے قابل قبول نہیں رہے، شیفر نے جواب دیا کہ جب کوئی سربراہ کسی بڑے تجارتی معاہدے کو ادارے کے دیگر ذمہ داران کو اعتماد میں لیے بغیر آگے بڑھائے تو عموماً اس کا یہی نتیجہ نکلتا ہے۔
Europe’s soccer governing body's 'LOST CONFIDENCE' in FIFA Prez Infantino’s leadership
'Shabby, back room, opaque deal he hatched and tried to force through was anything but transparent' — UEFA statement pic.twitter.com/gEn024ODPo
— BRICS+TODAY (@Afrijustice4all) August 2, 2026
دوسری جانب انفانٹینو نے جمعے کے روز اعلان کیا تھا کہ شدید مخالفت کے باعث فیفا نے ورلڈ کپ کے تجارتی حقوق میں حصہ فروخت کرنے کا منصوبہ واپس لے لیا ہے۔
ہفتے کے روز یورپی فٹبال کی تنظیم یوئیفا اور شمالی و وسطی امریکہ اور کیریبین کی تنظیم کونکاکاف نے بھی انفانٹینو کی قیادت پر اپنے اعتماد کے خاتمے کا اعلان کیا تھا۔
مزید پڑھیں: فیفا بحران تیز: ورلڈ کپ میں نجی سرمایہ کاری کے منصوبے پر اعلیٰ مشیر مستعفی
شیفر، جو سوئس فٹبال لیگ کے چیف ایگزیکٹو بھی ہیں، نے کہا کہ اس منصوبے سے یہ تاثر ملا کہ فیفا کا بنیادی مقصد مستقبل میں مزید اور بڑے ٹورنامنٹس کے انعقاد کے ذریعے تیسرے فریق کے مالی مفادات کو زیادہ سے زیادہ بڑھانا ہے۔
‘یہ معاملہ صرف مالی فوائد تک محدود ہے، جبکہ دیگر تمام پہلوؤں کو مکمل طور پر نظر انداز کیا جا رہا ہے۔’
🚨 𝗕𝗥𝗘𝗔𝗞𝗜𝗡𝗚:UEFA has ‘lost confidence’ in Gianni Infantino, accuses him of ‘shabby, back room’ deal.
UEFA has criticised Infantino's leadership.UEFA says it and “other members of the football family” have lost confidence in Gianni Infantino, accusing the FIFA President… pic.twitter.com/EHXf5lF943
— ⚽ Beyond The Scoreline (@chizzygold67) August 1, 2026
انہوں نے مزید کہا کہ یورپی لیگز نے اس تجویز کی مخالفت اس لیے کی کیونکہ اس سے پہلے ہی مصروف بین الاقوامی فٹبال کیلنڈر میں مزید میچز شامل ہو جاتے، جس کا براہِ راست نقصان قومی لیگز اور ڈومیسٹک چیمپئن شپ کو پہنچتا۔
شیفر نے یہ بھی انکشاف کیا کہ اس منصوبے سے نہ صرف مختلف فٹبال تنظیمیں بلکہ فیفا کی اعلیٰ ترین گورننگ باڈی، فیفا کونسل، بھی لاعلم تھی۔
ان کے مطابق انہیں اس بات پر شدید حیرت ہوئی کہ فیفا کے صدر نے اس اہم معاملے پر مکمل طور پر تنہا فیصلہ سازی کی۔
