پرتگالی فٹبال اسٹار کرسٹیانو رونالڈو اور جارجینا روڈریگز کی شادی کی افواہ نے مادیرا کے شہر فنشل میں ایسا ہنگامہ برپا کیا کہ ہزاروں مداح ایک چرچ کے باہر جمع ہوگئے تاہم وہاں پہنچ کر انہیں ایسی حقیقت کا سامنا کرنا پڑا جس نے سب کو حیران کردیا۔
سوشل میڈیا اور مقامی سطح پر یہ خبر تیزی سے پھیل گئی کہ رونالڈو اپنی منگیتر جارجینا روڈریگز کے ساتھ شادی کے بندھن میں بندھنے والے ہیں۔ خبر پھیلتے ہی بڑی تعداد میں مداح فنشل کے ایک چرچ کے باہر پہنچ گئے تاکہ دنیا کے معروف فٹبالر کی شادی کی ایک جھلک دیکھ سکیں۔
یہ بھی پڑھیں: رونالڈو کی شادی کی تیاریاں مکمل؟ تقریب کی تاریخ اور مقام سے متعلق تفصیلات سامنے آگئیں
مداحوں کو یقین تھا کہ بس کچھ ہی دیر میں رونالڈو اور جارجینا چرچ میں داخل ہوں گے لیکن جب شادی کی تقریب شروع ہوئی تو حقیقت سامنے آگئی۔ چرچ میں شادی تو واقعی ہو رہی تھی مگر دولہا رونالڈو اور دلہن جارجینا نہیں تھے!
Cristiano logró hacer viral una boda… **SIN NI SIQUIQUIERA HABER PISADO**. 🐐😂
Más de 2 000 aficionados se reunieron frente a la catedral de Funchal, en Madeira, convencidos de que Cristiano Ronaldo y Georgina se casarían allí. 😳
Un Rolls-Royce llegó con la novia: la… pic.twitter.com/0w6wEEKOas
— Arielipillo (@arielipillo) August 8, 2026
وہاں موجود افراد کو معلوم ہوا کہ یہ ایک عام جوڑے کی شادی کی تقریب تھی جو اچانک رونالڈو کے مداحوں کے ایک بڑے ہجوم کے سامنے منعقد ہونے لگی۔ یوں رونالڈو کی شادی دیکھنے پہنچنے والے ہزاروں افراد غیر ارادی طور پر دو اجنبی افراد کی شادی کے گواہ بن گئے۔
معاملہ جب کرسٹیانو رونالڈو تک پہنچا تو فٹبالر بھی اسے نظر انداز نہ کرسکے۔ انہوں نے ’جورنال دا مادیرا‘ کی جانب سے واقعے سے متعلق کی گئی پوسٹ پر ہنستے ہوئے ایموجیز کے ذریعے ردعمل دیا۔
🚨💣
Cristiano responde a una noticia que habla de la gente reunida fuera de la Catedral de Funchal esperando su boda…
🗣️ La leyenda Cristiano: "🤣🤣🤣🤣🤣" pic.twitter.com/3HGgodyixU
— Arielipillo (@arielipillo) August 8, 2026
دوسری جانب رونالڈو اور جارجینا کی حقیقی شادی سے متعلق قیاس آرائیاں کئی عرصے سے جاری ہیں۔ دونوں نے 2025 میں اپنی منگنی کا اعلان کیا تھا اور 2016 سے ایک ساتھ ہیں۔ یہی وجہ ہے کہ ان کی شادی سے متعلق معمولی سی افواہ بھی دیکھتے ہی دیکھتے بڑی خبر بن جاتی ہے۔
فرانسیسی میڈیا کے مطابق مادیرا میں یہ افواہیں بھی گردش کر رہی ہیں کہ جوڑا رواں موسمِ گرما میں شادی کرسکتا ہے تاہم رونالڈو یا جارجینا کی جانب سے تاحال کوئی باضابطہ اعلان نہیں کیا گیا۔
