پاکستانی اداکارہ ہانیہ عامر اور گلوکار عاصم اظہر کی مصر میں ایک ساتھ موجودگی کے باعث دونوں ایک بار پھر سوشل میڈیا صارفین کی توجہ کا مرکز بن گئے۔
ہانیہ عامر اور عاصم اظہر کی اہرامِ جیزہ کے مقام سے تصاویر اور ویڈیوز سوشل میڈیا پر تیزی سے وائرل ہو رہی ہیں۔ وائرل ویڈیوز میں عاصم اظہر کو گانا گاتے ہوئے بھی دیکھا جا سکتا ہے جبکہ ہانیہ عامر نے اپنے انسٹاگرام اکاؤنٹ پر مصر میں گزارے گئے لمحات کی تصاویر اور ویڈیوز شیئر کی ہیں۔
View this post on Instagram
شیئر کی گئی تصاویر اور ویڈیوز کو مداحوں کی جانب سے خاصی توجہ مل رہی ہے۔ سوشل میڈیا صارفین نے ان کے ساتھ وقت گزارنے اور مصر کی سیر کی تصاویر پر مختلف ردعمل کا اظہار کیا۔
جہاں متعدد صارفین نے ہانیہ عامر اور عاصم اظہر کی تعریف کرتے ہوئے انہیں ایک ساتھ خوبصورت قرار دیا وہیں بعض صارفین نے تنقیدی تبصرے بھی کیے۔
کچھ صارفین نے دونوں کو شادی کا مشورہ دیتے ہوئے کہا کہ اگر وہ ایک ساتھ وقت گزار رہے ہیں تو شادی کرلینی چاہیے جبکہ دیگر صارفین نے ان کی تصاویر اور ویڈیوز کو محض سفری لمحات قرار دیتے ہوئے مثبت ردعمل کا اظہار کیا۔
واضح رہے کہ ہانیہ عامر اور عاصم اظہر ماضی میں بھی اپنے تعلقات کے حوالے سے خبروں اور سوشل میڈیا پر بحث کا حصہ رہ چکے ہیں تاہم دونوں نے اپنے موجودہ تعلق کے حوالے سے کسی نئی تصدیق یا اعلان کا اظہار نہیں کیا۔
