موسلا دھار بارشیں، مختلف شہر زیرِ آب، تاجروں کو کروڑوں کا نقصان

 حالیہ موسلا دھار بارشوں نے پاکستان کے مختلف شہروں میں تباہی مچا دی، کئی بازار، رہائشی علاقے اور کاروباری مراکز بارش کے پانی میں ڈوب گئے، جبکہ گھروں اور دکانوں میں پانی داخل ہونے سے شہریوں کو شدید مشکلات کا سامنا ہے۔

جی ٹی روڈ پنجاب کی صورتحال

ابھی ہم آپ کو جی ٹی روڈ کے دو شہروں جہلم اور گجرات کی صورتحال دکھانے جا رہے ہیں کہ بارش کا پانی کس طرح تباہی مچا رہا ہے، آپ خود ملاحظہ فرما لیں۔

وزیراعلیٰ پنجاب مریم نواز شریف صاحبہ نے جگہ جگہ بورڈ لگوا رکھے ہیں کہ "جتھے پھس منوں دس"، لیکن جنابِ… pic.twitter.com/TRotwW3fQC

— Ahmad Ghuman (@ghuman_ar) August 20, 2026

شدید بارش کے باعث راولپنڈی کے راجہ بازار کے متعدد حصے بھی زیرِ آب آگئے، جہاں پانی گوداموں اور دکانوں میں داخل ہونے سے تاجروں کے کروڑوں روپے مالیت کے سامان کو نقصان پہنچنے کی اطلاعات ہیں۔

پنجاب حکومت کی جانب سے تزئین و آرائش کے بعد تیار کردہ راولپنڈی کا ماڈل راجہ بازار بھی بارش کی تاب نہ لا سکا اور ڈوب گیا

دکانداروں کا اربوں روپے کا نقصان ہوگیا۔ pic.twitter.com/DlbqAjduld

— Aamir Saeed Abbasi (@AmirSaeedAbbasi) August 19, 2026

بارش کے بعد سوشل میڈیا صارفین کی جانب سے راجہ بازار کو ماڈل بازار بنانے کے منصوبے پر بھی سوالات اٹھائے جا رہے ہیں۔ صارفین کا کہنا ہے کہ بازار کی تزئین و آرائش اور اسے ماڈل بازار بنانے پر کروڑوں روپے خرچ کیے گئے، تاہم ایک ہی بارش نے نکاسیٔ آب کے انتظامات کی قلعی کھول دی۔

دوسری جانب صوابی، جہلم اور دیگر شہروں سے بھی بارش اور سیلابی صورتحال کی ویڈیوز اور تصاویر سوشل میڈیا پر تیزی سے وائرل ہو رہی ہیں۔ مختلف علاقوں میں پانی جمع ہونے کے باعث معمولاتِ زندگی شدید متاثر ہوئے جبکہ بعض مقامات پر عمارتیں منہدم ہونے اور جانی و مالی نقصان کی اطلاعات بھی سامنے آئی ہیں۔

صوابی میں طوفانی بارش، متعدد نشیبی علاقے زیر آب۔ پانی گھروں میں داخل، ریسکیو آپریشن جاری

300 سے زائد متاثرہ افراد کو نکال کر محفوظ مقامات پر منتقل کردیا گیا، ریسکیو 1122

مختلف مقامات پر بارش کے باعث عمارتیں منہدم، 2 افراد جاں بحق، 4 افراد زخمی، ریسکیو 1122 pic.twitter.com/ZAQiLCb47N

— Kamran Ali (@akamran111) August 20, 2026

ایک صارف نے ویڈیو شیئر کرتے ہوئے لکھا کہ جہلم میں موسلا دھار بارش سے نشیبی علاقے اور قدرتی آبی گزرگاہوں پر قائم آبادیاں زیرِ آب آگئی ہیں۔

جہلم ،،، بارش۔۔ نشیبی علاقے اورقدرتی آبی گزرگاہوں پر قائم آبادیاں متاثر۔۔۔۔ pic.twitter.com/FTAwWa41HP

— Ghazanfar Abbas (@ghazanfarabbass) August 20, 2026

سوشل میڈیا پر ایک صارف کا کہنا تھا کہ گجرات میں بارش کا پانی گھروں میں داخل ہو گیا ہے جس سے شہریوں کو شدید مشکلات کا سامنا ہے۔

گجرات: موسلا دھار بارش کے بعد نشیبی علاقوں میں پانی جمع، متعدد مقامات زیرِ آب آ گئے۔ pic.twitter.com/zz8sfDj1lN

— Mahrosh Pervaiz (@MahroshPervaiz1) August 20, 2026

اے وحید مراد کا کہنا تھا کہ جتنی رقم سڑکوں، عمارتوں کی آرائش پر لگاتے ہیں اس کا چوتھائی بھی زمین کے نیچے نکاسی آب کے نظام کو بہتر بنانے پر لگا دیں تو یہ دن نہ دیکھنے پڑیں۔

جتنی رقم سڑکوں، عمارتوں کی آرائش پر لگاتے ہیں اُس کا چوتھائی بھی زمین کے نیچے نکاسی آب کے نظام کو بہتر بنانے پر لگا دیں تو یہ دن نہ دیکھنے پڑیں۔ pic.twitter.com/bkrdqNOkPk

— A.Waheed Murad (@awaheedmurad) August 19, 2026

حالیہ صورتحال کے باعث شہریوں نے متعلقہ اداروں سے نکاسیٔ آب کے مؤثر انتظامات اور متاثرہ علاقوں میں فوری امدادی کارروائیاں یقینی بنانے کا مطالبہ کیا ہے۔