بھارتی حکومت نے نئی دہلی میں پاکستانی ہائی کمیشن کے باہر فراہم کیا جانے والا سیکیورٹی حصار ختم کردیا ہے۔
میڈیا رپورٹ کے مطابق بھارتی حکام نے پاکستانی ہائی کمیشن کے گرد بیرونی سیکیورٹی حصار ہٹانے کے ساتھ عمارت کے باہر نصب سیکیورٹی رکاوٹیں بھی ختم کردی ہیں۔
یہ بھی پڑھیں:2025 پاک بھارت جنگ: بھارت کی بیانیہ سازی کی کوششوں کو عالمی سطح پر پذیرائی نہ مل سکی
رپورٹ کے مطابق پاکستانی ہائی کمیشن کے ویزا سیکشن کے باہر لوگوں کی قطاریں منظم رکھنے کے لیے قائم کیا گیا حفاظتی انکلوژر بھی بھارتی حکام نے ہٹا دیا ہے۔
بھارتی حکومت کی جانب سے پاکستانی ہائی کمیشن کی سیکیورٹی واپس لینے کی کوئی وجہ تاحال سامنے نہیں آئی۔
سیکیورٹی انتظامات میں یہ تبدیلی ایسے وقت میں سامنے آئی ہے جب پاکستان اور بھارت کے درمیان تعلقات پہلے ہی کشیدگی کا شکار ہیں۔
