آج پاکستان کے بعض علاقوں میں تیز ہواؤں اور گرج چمک کے ساتھ بارش ہو سکتی ہے

محکمہ موسمیات نے آج (21) سے 24 جون کے دوران ملک کے زیادہ تر علاقوں میں دن کے درجہ حرارت میں بتدریج اضافے کی پیشگوئی کی ہے۔

محکمہ موسمیات کے مطابق بالائی اور وسطی پنجاب، اسلام آباد، بالائی خیبرپختونخوا، گلگت بلتستان اور کشمیر میں دن کا درجہ حرارت 04سے 06 ڈگری سینٹی گریڈ معمول سے زیادہ رہنے جبکہ سندھ ، جنوبی پنجاب اوربلوچستان میں دن کا درجہ حرارت 02 سے04 ڈگری سینٹی گریڈ معمول سے زیادہ رہنے کا امکان ہے۔

آج کے موسم کی صورتحال

آج بروز بدھ ملک کے بیشتر علاقوں میں موسم شدید گرم اور مرطوب جبکہ میدانی علاقوں میں بعد از دوپہر گرد آلود ہوائیں چلنے کا امکان ہے، تاہم کشمیر اور گردو نواح میں تیز ہواؤں اور گرج چمک کے ساتھ بارش ہو سکتی ہے۔

جمعرات کو موسم کیسا رہے گا؟

جمعرات کے روز ملک کے بیشتر علاقوں میں موسم شدید گرم اور مرطوب جبکہ میدانی علاقوں میں بعد از دوپہر گرد آلود ہوائیں چلنے کا امکان ہے جبکہ کشمیر اور گردو نواح میں تیز ہواؤں اور گرج چمک کے ساتھ بارش ہو سکتی ہے۔

اسلام آباد  کا موسم

بدھ کے روز اسلام آباد میں موسم شدید گرم اور مرطوب رہے گا تاہم بعد از دوپہر گرد آلود ہوائیں چلنے کا امکان ہے، جمعرات کے روز بھی اسلام آباد میں موسم شدید گرم اور مرطوب رہے گا۔ تاہم بعد از دوپہر گرد آلود ہوائیں چلنے کا امکان ہے۔

گزشتہ روز ریکارڈ کیا گیا زیادہ سے زیادہ درجہ حرارت

گذشتہ 24 گھنٹے میں ملک کے بیشتر علاقوں میں موسم شدید گرم اور خشک رہا۔ گزشتہ روز نوکنڈی 48، دالبندین، سبی 47، جیکب آباد اور بھکر میں 46 ڈگر ی سینٹی گریڈریکارڈ کیا گیا۔