قائداعظم محمد علی جناح کی 78ویں برسی کے موقع پر قوم نے بانیٔ پاکستان کو خراج عقیدت پیش کیا ہے، جن کے عزم اور جدوجہد نے تاریخ کا رخ بدل کر پاکستان کے قیام کی راہ ہموار کی۔
دفتر خارجہ نے اپنے بیان میں کہا کہ قائداعظم کی غیر متزلزل قیادت اور عزم آج بھی پاکستانی قوم کے لیے مشعل راہ ہیں۔ دفتر خارجہ نے معروف مورخ اسٹینلے وولپرٹ کے الفاظ کا حوالہ دیتے ہوئے کہا کہ تاریخ کا رخ بدلنے والے افراد بہت کم ہوتے ہیں، دنیا کا نقشہ تبدیل کرنے والے اس سے بھی کم اور کسی نئی ریاست کے قیام کا سہرا کسی ایک شخص کے سر آنا تو انتہائی نایاب ہے، مگر محمد علی جناح نے یہ تینوں کام انجام دیے۔
On the 78th death anniversary of Quaid-i-Azam Muhammad Ali Jinnah, the nation pays tribute to its founding father whose unwavering resolve changed the course of history and gave birth to Pakistan.
As Stanley Wolpert aptly said:
“Few individuals significantly alter the course of… pic.twitter.com/abLOTk6RI2— Ministry of Foreign Affairs – Pakistan (@ForeignOfficePk) September 11, 2026
دفتر خارجہ کے مطابق قائداعظم کا ورثہ آج بھی قوم کو اتحاد، ایمان اور نظم و ضبط کے اصولوں پر قائم رہنے اور ایک مضبوط، پرامن اور خوشحال پاکستان کے لیے کام کرنے کی ترغیب دیتا ہے۔
یہ بھی پڑھیں:سندھ مدرسۃ الاسلام: تحریک پاکستان اور قائد اعظم کی فکری تربیت میں اہم کردار
بیان میں کہا گیا کہ قائداعظم کے افکار اور جدوجہد کو سامنے رکھتے ہوئے قوم پاکستان کو مزید مضبوط بنانے اور اس کے روشن مستقبل کے لیے اپنا کردار ادا کرتی رہے گی۔
