رواں سال کے ایمی ایوارڈز میں ایپل ٹی وی کی ہارر کامیڈی سیریز ’وِڈوز بے‘ نے بہترین کامیڈی سیریز سمیت ریکارڈ 14 ایوارڈز جیت کر سب کو پیچھے چھوڑ دیا۔
ہنگامی طبی مرکز کے پس منظر میں بننے والے ڈرامے ’دی پٹ‘ نے مسلسل دوسری مرتبہ بہترین ڈرامہ سیریز کا اعزاز اپنے نام کرلیا۔
’وِڈوز بے‘ نے گزشتہ فاتح سیریز ’ہیکس‘ کے آخری سیزن کو شکست دے کر بہترین کامیڈی سیریز کا ایوارڈ حاصل کیا۔
یہ بھی پڑھیں: وینس فلم فیسٹیول: غزہ قتل عام میں اے آئی کے استعمال پر بننے والی دستاویزی فلم کے لیے 25 منٹ تک تالیاں
’ہیکس‘ کی اداکارہ جین اسمارٹ نے کامیڈی سیریز میں بہترین اداکارہ کا ایمی ایوارڈ 5ویں مرتبہ جیت لیا، وہ کسی سیریز کے ہر سیزن میں بہترین کامیڈی اداکارہ کا ایوارڈ حاصل کرنے والی پہلی اداکارہ بن گئی ہیں۔
جین اسمارٹ نے ایوارڈ وصول کرتے ہوئے کہا کہ یہ سفر ناقابل یقین رہا ہے اور انہوں نے ’ہیکس‘ کے تخلیق کاروں کا شکریہ ادا کیا۔
Welsh actor Matthew Rhys makes history with wins in two lead actor categories for his work in 'Widow's Bay' and 'The Beast in Me'. pic.twitter.com/wmnnKqrzxN
— MTN (@movietv_news) September 15, 2026
ویلش اداکار میتھیو رائس نے بھی ایمی ایوارڈز کی تقریب میں منفرد اعزاز حاصل کیا انہوں نے ’وِڈوز بے‘ میں ایک چھوٹے قصبے کے میئر کے کردار پر بہترین کامیڈی اداکار جبکہ نیٹ فلکس کی نفسیاتی تھرلر سیریز ’دی بیسٹ اِن می‘ میں اداکاری پر محدود سیریز کے بہترین اداکار کا ایوارڈ جیتا۔
یوں وہ ایک ہی تقریب میں 2 مرکزی اداکاری کے اعزازات حاصل کرنے والے پہلے اداکار بن گئے۔
’دی پٹ‘ کے اداکار نوح وائل نے مسلسل دوسری مرتبہ بہترین ڈرامہ اداکار کا ایوارڈ حاصل کیا، انہوں نے پٹس برگ کے ایک ٹراما سینٹر میں ڈاکٹر ’روبی‘ روبینا وچ کا کردار ادا کیا ہے۔
مزید پڑھیں: ’یہ آنسو خوشی کے ہیں‘، گلوکارہ سیلین ڈیون 6 سال بعد اسٹیج پر آبدیدہ
وائل نے ایوارڈ وصول کرتے ہوئے کہا کہ یہ اعزاز ان کے لیے انتہائی جذباتی اور ناقابل یقین تجربہ ہے۔
’وِڈوز بے‘ نے بہترین معاون اداکار اور معاون اداکارہ کے علاوہ بہترین ہدایت کاری اور بہترین تحریر کے ایوارڈز بھی حاصل کیے۔
رواں ماہ کے آغاز میں دیے گئے تکنیکی اور دیگر اعزازات کو شامل کیا جائے تو سیریز نے ایک ہی سیزن میں مجموعی طور پر 14 ایمی ایوارڈز جیت کر کامیڈی سیریز کے لیے نیا ریکارڈ قائم کردیا۔
YEAH!!!!!!!!!!!!! NOAH WON BEST LEAD ACTOR IN A DRAMA SERIES AGAIN!!!!!!!!!!!!! 🥹👏🏻❤️ #ThePitt #Emmys pic.twitter.com/2IazwsTnoA
— Caleigh Miller (@CaleighAM16) September 15, 2026
بہترین معاون کامیڈی اداکار کا ایوارڈ ’وِڈوز بے‘ کے اسٹیفن روٹ نے ’شرنکنگ‘ کے مقبول اداکار ہیریسن فورڈ کو شکست دے کر حاصل کیا۔
دوسری جانب ’دی لیٹ شو ود اسٹیفن کولبرٹ‘، جسے سی بی ایس نے ختم کردیا اور جس کی آخری قسط رواں سال نشر ہوئی، نے بہترین ورائٹی سیریز کا ایوارڈ جیت لیا۔
ایچ بی او میکس کی قتل کی پراسرار کہانی پر مبنی سیریز ’ڈی ٹی ایف سینٹ لوئس‘ کو بہترین محدود سیریز قرار دیا گیا، جبکہ ایپل ٹی وی کی ’پلوبس‘ کی اداکارہ ریا سی ہورن نے بہترین ڈرامہ اداکارہ کا ایوارڈ جیتا۔
مزید پڑھیں: وینس فلم فیسٹیول میں غزہ سنیما اکیڈمی کا باضابطہ آغاز
سی ہورن نے ایوارڈ وصول کرتے ہوئے اپنی ساتھی نامزد اداکاراؤں کو خراج تحسین پیش کیا اور حقوق نسواں کی سرگرم کارکن گلوریا اسٹائنم کے الفاظ دہراتے ہوئے کہا کہ خواتین ایک دوسرے سے جڑی ہوئی ہیں، ایک دوسرے سے مقابلہ نہیں کرتیں۔
تقریب کے دوران اکیڈمی نے معروف اداکار اور سماجی کارکن مائیکل جے فاکس کو پارکنسنز بیماری سے متعلق تحقیق اور علاج کے لیے ان کی خدمات کے اعتراف میں خصوصی اعزاز سے نوازا۔
ایمی ایوارڈز کے فاتحین کا انتخاب ٹیلی ویژن اکیڈمی کے 27 ہزار سے زائد مصنفین، ہدایت کاروں، اداکاروں، پروڈیوسرز اور دیگر شعبوں سے وابستہ ماہرین کرتے ہیں۔
