وزیراعلیٰ پنجاب مریم نواز شریف نے ملتان میں جدید اور ماحول دوست گرین الیکٹرک بس سروس کا باقاعدہ افتتاح کر دیا ہے۔ افتتاحی تقریب سے خطاب کرتے ہوئے انہوں نے شہر کے عوام کے لیے اس منصوبے کو ایک بڑا تحفہ قرار دیا۔
وزیر اعلیٰ نے بتایا کہ پہلے مرحلے میں ملتان میں 60 الیکٹرک بسوں کے ساتھ سروس کا آغاز کیا جا رہا ہے، جبکہ آنے والے دنوں میں مزید 100 بسیں ملتان کے شہریوں کے لیے دستیاب کر دی جائیں گی تاکہ سفری سہولیات کو مزید بہتر بنایا جا سکے۔
انہوں نے مزید کہا کہ اس بس سروس کا عام کرایہ صرف 20 روپے مقرر کیا گیا ہے۔ تاہم، عوام کی سہولت کے پیش نظر خواتین، طلبا و طالبات، معذور افراد اور 60 سال سے زائد عمر کے بزرگ شہریوں کے لیے یہ سفر 100 فیصد مفت ہوگا۔ وزیراعلیٰ مریم نواز شریف کا کہنا تھا کہ پنجاب کی آخری حد تک گرین بس سروس کو پھیلایا جا رہا ہے تاکہ صوبے بھر کے عوام جدید اور سستے سفر کی سہولیات سے مستفید ہو سکیں۔
