پاکستان ٹیلی ویژن کے محمد شہزاد نے آل بطال پریزینٹس اے بی ایس ڈیولپرز پریزیڈنٹ ٹرافی گریڈ ون کے تیسرے راؤنڈ کے پہلے روز شاندار بیٹنگ کا مظاہرہ کرتے ہوئے 49 گیندوں پر سنچری مکمل کرلی۔
ڈائمنڈ کرکٹ گراؤنڈ اسلام آباد میں کنگز مین اکیڈمی کے خلاف پہلے بیٹنگ کرتے ہوئے پی ٹی وی نے خراب روشنی کے باعث کھیل جلد ختم ہونے تک 58 اوورز میں 7 وکٹوں کے نقصان پر 285 رنز بنائے۔ محمد شہزاد نے 62 گیندوں پر 114 رنز کی جارحانہ اننگز کھیلی، جس میں 12 چوکے اور 8 چھکے شامل تھے۔
Third round of Al Batal Presents ABS Developers President's Trophy Grade-I begins 🏏
PTV's Muhammad Shahzad strikes 49-ball 💯, MIT's Atiq-ur-Rehman shines with unbeaten 136
PTV v Kingsmen Academy scorecard: https://t.co/ZIhNy5MVxG
MIT v SNGPL scorecard: https://t.co/CmbPBqYGZg… pic.twitter.com/0XIRGUzx14— Pakistan Cricket (@TheRealPCB) September 24, 2026
محمد شہزاد 34 رنز پر 3 وکٹیں گرنے کے بعد کریز پر آئے اور محمد طحہٰ کے ساتھ 143 رنز کی شراکت قائم کرکے ٹیم کو مشکلات سے نکالا۔ محمد طحہٰ نے 43 رنز بنائے۔ بائیں ہاتھ کے فاسٹ بولر ضیا الحق نے 32ویں اوور میں محمد شہزاد کو آؤٹ کیا۔ نمبر 6 کے بلے باز شارون سراج نے 53 رنز کی ناقابل شکست اننگز کھیل کر ٹیم کا اسکور آگے بڑھایا۔
کنگز مین اکیڈمی کی جانب سے محمد الیاس نے 3 اور شعیب آفریدی نے 2 وکٹیں حاصل کیں۔
یہ بھی پڑھیں:ابرار احمد افغان کرکٹر کو پیچھے چھوڑ کر ٹی20 کے نمبر ون بولر بن گئے
پشاور کے عمران خان اسٹیڈیم میں مارخور آئی ٹی سلوشنز نے سوئی ناردرن گیس پائپ لائنز کے خلاف 79 اوورز میں 3 وکٹوں پر 258 رنز بنائے۔ عتیق الرحمان 136 رنز پر ناقابل شکست رہے۔ یہ ان کی فرسٹ کلاس کرکٹ میں تیسری سنچری ہے۔ انہوں نے 17 چوکے لگائے اور سید عواد نقوی کے ساتھ 218 رنز کی ناقابل شکست شراکت قائم کی، عواد نقوی 65 رنز پر ناٹ آؤٹ رہے۔
اسلام آباد کے نیشنل گراؤنڈ میں غنی نے اسٹیٹ بینک آف پاکستان کے خلاف 72 اوورز میں 6 وکٹوں پر 263 رنز بنائے۔ مرزا طاہر بیگ نے 67، علی رضا ق نے ناقابل شکست 62 اور شرجیل خان نے 56 رنز بنائے۔
4️⃣9️⃣ balls. A new Pakistan first-class record! 🔥
Mohammad Shahzad smashes the fastest first-class 💯 by a 🇵🇰 batter, and 8th overall, in the Al Batal Presents ABS Developers President's Trophy Grade-I clash against Kingsmen Academy 🏏#PresidentTrophy | #PakistanCricket pic.twitter.com/cEerhnL2iE
— Pakistan Cricket (@TheRealPCB) September 24, 2026
ایبٹ آباد کرکٹ اسٹیڈیم میں خان ریسرچ لیبارٹریز نے آئل اینڈ گیس ڈیولپمنٹ کمپنی لمیٹڈ کے خلاف پہلے روز 60 اوورز میں 5 وکٹوں پر 202 رنز بنائے۔ سرفراز بھٹی 48 رنز پر ناقابل شکست ہیں۔
پاکستان ٹیسٹ ٹیم کے کپتان بابر اعظم نے بھی او جی ڈی سی ایل کی جانب سے فرسٹ کلاس کرکٹ میں واپسی کی۔ وہ پہلے روز 60 اوورز تک فیلڈنگ میں موجود رہے۔ کے آر ایل کے خلاف میچ میں شاہین شاہ آفریدی انجری سے صحت یاب ہونے کے باعث شریک نہیں ہوئے۔
