رکن قومی اسمبلی شیر افضل مروت نے حکومت اور پی ٹی آئی کے درمیان جاری مذاکرات کے ممکنہ نتائج سے متعلق اہم پیش گوئی کی ہے۔
شیر افضل مروت نے کہا کہ پی ٹی آئی نے 27 ستمبر کا مارچ مؤخر کرکے 4 اکتوبر کی تاریخ کا اعلان کیا تھا۔ ان کے مطابق اس وقت گورنر راج یا ایمرجنسی سے متعلق کوئی بات نہیں تھی تاہم بعد میں گورنر راج اور ایمرجنسی کے نفاذ سے متعلق افواہیں گردش کرنے لگیں۔
مذاکرات کے بعد کیا اعلان ہوگا؟ شیر افضل مروت نے پیش گوئی کر دی! pic.twitter.com/6A6c8yeIhL
— WE News (@WENewsPk) October 2, 2026
انہوں نے کہا کہ پی ٹی آئی نے مارچ کی تیاری کے لیے وقت نہیں لیا تھا بلکہ 27 ستمبر تک مفاہمت نہ ہونے کے باعث مارچ کو 4 اکتوبر تک مؤخر کیا گیا تھا۔ شیر افضل مروت کے مطابق اس کے بعد مذاکرات کا امکان پیدا ہوا اور اب جو بات چیت جاری ہے، اس کا نتیجہ مذاکرات کی کامیابی کی صورت میں نکلے گا۔
یہ بھی پڑھیں: عمران خان سے سہیل آفریدی کی نامزدگی کا غلط فیصلہ ہوا جس کے نتائج پارٹی آج بھی بھگت رہی ہے، شیر افضل مروت
انہوں نے پیش گوئی کی کہ فریقین قانون کی حکمرانی کے تحت آگے بڑھنے پر اتفاق کریں گے جبکہ پی ٹی آئی قومی مفاد کے پیش نظر مارچ غیر معینہ مدت تک مؤخر کرنے کا اعلان کرے گی۔
شیر افضل مروت نے مزید کہا کہ عمران خان کو اسپتال منتقل کیے جانے کا امکان ہے تاہم اسپتال کا نام ظاہر نہیں کیا جائے گا۔ ان کے مطابق مذاکرات کے نتیجے میں ملاقاتیں بھی بحال کی جائیں گی اور یہ ملاقاتیں ہائی کورٹ کے فیصلے کے مطابق ہوں گی۔
