بالی ووڈ کے معروف سینئر اداکار نانا پاٹیکر 75 برس کی عمر میں انتقال کرگئے، ابتدائی تحقیقات کے مطابق نانا پاٹیکر کی موت شدید ہارٹ اٹیک کے باعث ہوئی۔
رپورٹس کے مطابق انہیں گوا کے علاقے ڈونا پاؤلا میں واقع ان کی رہائش گاہ پر بے ہوشی کی حالت میں پایا گیا، جس کے بعد انہیں فوری طور پر اسپتال منتقل کیا گیا جہاں ڈاکٹروں نے ان کی موت کی تصدیق کردی۔
یہ بھی پڑھیں: نانا پاٹیکر نے ڈیڑھ کروڑ کی گاڑی خریدنے کے بجائے رقم کسانوں کو کیوں دی؟
منی پال اسپتال کے شعبہ آنکولوجی کے سربراہ ڈاکٹر شیکھر سالکر کے مطابق نانا پاٹیکر کو اسپتال پہنچائے جانے کے بعد ڈاکٹروں کی ٹیم نے تقریباً 45 منٹ تک سی پی آر کے ذریعے انہیں بچانے کی کوشش کی، تاہم ان کی حالت میں کوئی بہتری نہیں آئی۔
ڈاکٹر کے مطابق نانا پاٹیکر کو صبح 5 بج کر 20 منٹ پر مردہ قرار دیا گیا، واقعے کے حوالے سے میڈیکو لیگل کیس بھی درج کرلیا گیا ہے جبکہ موت کی حتمی وجوہات جاننے کے لیے پوسٹ مارٹم کیا جائے گا۔
HEARTBROKEN: a phenomenal actor but most importantly a dear friend, Nana Patekar is no more. Passed away in Goa short while ago. Spoke to him only yesterday. His last words to me: Kaalji Ghe Raja (take care Raja). Will miss you Nana sir on and off screen . You were always there… pic.twitter.com/ipT69uUjyh
— Rajdeep Sardesai (@sardesairajdeep) October 8, 2026
نانا پاٹیکر کا اصل نام وشواناتھ پاٹیکر تھا۔ وہ یکم جنوری 1951 کو ایک مراٹھی خاندان میں پیدا ہوئے۔ ان کے والد گجانن، جنہیں دنکر پاٹیکر کے نام سے بھی جانا جاتا تھا، ٹیکسٹائل پینٹر اور کاروباری شخصیت تھے۔ نانا پاٹیکر کی عمر 28 برس تھی جب ان کے والد کا انتقال ہوگیا۔
ان کی والدہ نرملا پاٹیکر، جو سنجانابائی پاٹیکر کے نام سے بھی جانی جاتی تھیں، گھریلو خاتون تھیں۔ وہ 29 جنوری 2019 کو 99 برس کی عمر میں انتقال کرگئی تھیں۔
نانا پاٹیکر نے 1978 میں نیل کانتی پاٹیکر سے شادی کی، جو سابق بینک افسر، اداکارہ اور تھیٹر سے وابستہ رہ چکی ہیں۔
مزید پڑھیں: ’76 سال کی عمر میں یہ سب کچھ‘، نانا پاٹیکر کی ویڈیو نے سب کو حیران کردیا
بعد ازاں دونوں علیحدہ ہوگئے، تاہم ان کے درمیان باضابطہ طلاق نہیں ہوئی۔
ان کے بیٹے ملہار پاٹیکر فلم ساز ہیں اور ’نانا صاحب پروڈکشن ہاؤس‘ چلاتے ہیں، جبکہ ان کے ایک اور بیٹے درواسہ پاٹیکر کا دو سال کی عمر میں بیماری کے باعث انتقال ہوگیا تھا۔
نانا پاٹیکر نے ممبئی کے علاقے دادار ویسٹ میں واقع سمرتھ ودیالیہ سے 3 سال تک تعلیم حاصل کی، جس کے بعد انہوں نے ممبئی کے سر جے جے انسٹی ٹیوٹ آف اپلائیڈ آرٹ سے کمرشل آرٹ میں ڈپلومہ کیا۔
RIP Nana Patekar…#NanaPatekarDeath pic.twitter.com/RIm96Q6oBL
— Dr Ahmad Rehan Khan (@AhmadRehanKhan) October 8, 2026
اداکاری کو بطور پیشہ اختیار کرنے سے قبل نانا پاٹیکر کمرشل آرٹسٹ کے طور پر کام کرتے تھے۔ اپنے ابتدائی دور میں روزگار کے لیے انہوں نے فلموں کے پوسٹرز پینٹ کیے جبکہ زیبرا کراسنگز بنانے کا کام بھی کیا۔
بعد ازاں انہوں نے اداکاری کو مستقل پیشے کے طور پر اختیار کیا اور اپنی منفرد اداکاری اور جاندار کرداروں کے باعث بالی ووڈ کے ممتاز سینئر اداکاروں میں شمار ہونے لگے۔
نانا پاٹیکر کے انتقال کی خبر سامنے آنے کے بعد مداحوں اور بھارتی فلمی صنعت میں غم کی لہر دوڑ گئی ہے۔
ان کی موت سے متعلق میڈیکو لیگل کارروائی مکمل کی جارہی ہے جبکہ پوسٹ مارٹم کے بعد موت کی وجوہات کے حوالے سے مزید تفصیلات سامنے آنے کا امکان ہے۔
