نائب وزیراعظم اور وزیر خارجہ اسحاق ڈار نے جرمنی میں پاکستان کے نامزد سفیر سلمان شریف کو دوطرفہ تعلقات مزید مضبوط بنانے، بالخصوص اقتصادی تعاون، تجارت اور سرمایہ کاری کے فروغ کو ترجیح دینے کی ہدایت کی ہے۔
دفتر خارجہ کے مطابق سلمان شریف نے آج وزارت خارجہ میں نائب وزیراعظم اسحاق ڈار سے ملاقات کی۔ اسحاق ڈار نے انہیں جرمنی میں پاکستان کا سفیر نامزد ہونے پر مبارکباد دی اور پاکستان اور جرمنی کے تعلقات مزید مستحکم بنانے کی اہمیت پر زور دیا۔
Mr. Salman Sharif, Ambassador-designate of Pakistan to Germany, called on Deputy Prime Minister/Foreign Minister Senator Mohammad Ishaq Dar @MIshaqDar50 at the Ministry of Foreign Affairs today.
The DPM/FM congratulated him on his appointment and underscored the importance of… pic.twitter.com/p7DxZFVEB1
— Ministry of Foreign Affairs – Pakistan (@ForeignOfficePk) October 9, 2026
ملاقات کے دوران اسحاق ڈار نے جرمنی میں مقیم پاکستانی برادری کے ساتھ قریبی روابط برقرار رکھنے، ان کی فلاح و بہبود کا خیال رکھنے اور انہیں مؤثر قونصلر خدمات فراہم کرنے کو پاکستانی سفارت خانے کی اہم ترجیحات قرار دیا۔
نائب وزیراعظم نے وزیراعظم آفس میں جوائنٹ سیکریٹری کی حیثیت سے سلمان شریف کی خدمات کو سراہا اور نئی ذمہ داریوں کے لیے نیک خواہشات کا اظہار کیا۔
