بونیر کے علاقے باباجی کنڈاؤ میں مسافر ہائی ایس گاڑی الٹنے سے 6 افراد جاں بحق جبکہ 17 زخمی ہوگئے۔ حادثے کا شکار تمام افراد کا تعلق پشاور کے علاقے ہزار خوانی سے بتایا گیا ہے۔
یہ بھی پڑھیں: سیاحوں کی آنکھوں سے اوجھل بونیر کی تین خوبصورت آبشاریں
ترجمان ریسکیو 1122 خیبرپختونخوا بلال احمد فیضی کے مطابق حادثے کی اطلاع ملتے ہی ریسکیو 1122 بونیر کی ٹیمیں فوری طور پر جائے وقوعہ پر پہنچ گئیں اور امدادی کارروائیاں شروع کردیں۔
ریسکیو ترجمان کے مطابق امدادی آپریشن میں ریسکیو 1122 کی 5 ایمبولینسز اور 20 اہلکاروں نے حصہ لیا۔ ریسکیو اہلکاروں نے جاں بحق افراد کی لاشوں اور زخمیوں کو اسپتال منتقل کردیا۔
مزید پڑھیے: سوات: اگست 2025 کے سیلاب متاثرین حکومتی امداد کے تاحال منتظر
حادثے میں 17 افراد زخمی ہوئے جنہیں طبی امداد کے لیے اسپتال منتقل کیا گیا، جبکہ 6 افراد جان کی بازی ہار گئے۔
