ترکیہ اور شام میں زلزلے سے اموات 23 ہزار726 ہو گئیں ہیں۔
حکام کے مطابق ترکیہ میں زلزلے سے اموات بڑھ کر 20 ہزار213 ہو گئیں ،ترکیہ میں زلزلے سے زخمیوں کی تعداد80 ہزار52 ہو گئی ۔
ترک میڈیا کے مطابق انطاکیہ میں 120 گھنٹے بعد 3 بھائی ملبے سے زندہ نکال لئے گئے ،شام میں زلزلے سے اموات 3384 ہو گئیں، 5245 زخمی ہیں۔
اقوام متحدہ نے کہاہے کہ ترکیہ اور شام میں زلزلے سے تباہی کا ابھی مکمل اندازہ نہیں ،شام میں زلزلے سے بے گھر افراد50 لاکھ ہو سکتے ہیں ،ترکیہ اور شام میں مقامی اور غیرملکی اداروں کی امدادی سرگرمیاں جاری ہیں۔
ادھر ترک صدر رجب طیب اردوان نے کہاہے کہاکہ ترکیہ میں ایک لاکھ 41 ہزار امدادی کارکن مصروف عمل ہیں،ہر متاثرہ فیملی کو 796 ڈالر امداد شروع کر رہے ہیں ،ذاتی گھر تباہ ہونیوالوں کو 265 ، کرایہ داروں کو106 ڈالر ماہانہ دیں گے ،امدادی کارکنوں کو گاڑیوں کی کمی اور بند راستوں کے باعث رسد میں رکاوٹوں کا سامنا ہے ۔
یاد رہے کہ ترکی اور شام کے علاقوں میں 5 روز قبل 7.8 شدت کا زلزلہ آیا ،امریکی میڈیا کے مطابق یہ ترکیہ میں 80 سال کے دوران خوفناک ترین زلزلہ ہے ۔
