پاکستان، انگلینڈ اور سری لنکا کے درمیان جاری سہ فریقی ون ڈے سیریز کے چوتھے میچ میں لاہور کے قذافی اسٹیڈیم میں پاکستان اور انگلینڈ کے درمیان کرکٹ میچ کا سنسنی خیز، انوکھا اور ڈرامائی اختتام دیکھنے میں آیا۔
اتوار کو کھیلے گئے میچ میں ایک وقت ایسا آیا کہ میچ مکمل طور پر پاکستان کے ہاتھ سے نکل چکا تھا اور انگلینڈ کی فتح یقینی دکھائی دے رہی تھی، لیکن 10 ویں وکٹ کی شراکت میں کھیل کے آخری لمحات میں شاداب خان کے ایک ریوو نے میچ کا رخ بالکل بدل دیا۔
What a dama Shadab Khan survived after a review was taken following an umpire’s out decision. https://t.co/r1I28cOzJI
— Md Shohagh (@MdShohagh1994) October 25, 2026
انگلش فاسٹ بولر گس اٹکنسن کی ایک گیند پر میچ کے ہیرو شاداب خان کے خلاف ایل بی ڈبلیو کی سخت اپیل کی گئی، جس پر آن فیلڈ امپائر نے انگلینڈ کے حق میں فیصلہ دیتے ہوئے شاداب خان کو آؤٹ قرار دے دیا۔
امپائر کے آؤٹ دینے پر تمام الیکٹرانک میڈیا اور ٹی وی چینلز پر انگلینڈ کی 20 رنز سے فتح کی خبریں نشر ہونا شروع ہو گئیں۔
شدید مایوسی کے عالم میں شاداب خان نے بھی اپنا بلا میدان پر پٹخ دیا اور پویلین کی جانب دوڑنا شروع کر دیا، جس سے گراؤنڈ میں موجود شائقین اور کھلاڑیوں کو یہی لگا کہ پاکستان میچ ہار چکا ہے۔
Furqan Bhatti’s Reaction to the Shadab Khan LBW-Out Drama! 😂😭 https://t.co/XmTUS1lgAu
— Cric Passion (@CricPassionTV) October 25, 2026
تاہم، پویلین کی طرف جاتے ہوئے اچانک شاداب خان نے فیصلے کو چیلنج کرنے کا فیصلہ کیا اور امپائر سے ڈی آر ایس ریویو مانگ لیا، جس پر آن فیلڈ امپائر نے معاملہ تھرڈ امپائر کے سپرد کر دیا۔
مصافحہ اور تھرڈ امپائر کا حتمی فیصلہ
ریویو کا عمل جاری رہنے کے دوران میدان میں ایک اور غیر معمولی منظر دیکھنے میں آیا جب شاداب خان اور ان کا ساتھ دینے والے آخری بیٹر حارث رؤف نے انگلش کھلاڑیوں کے پاس جا کر ان سے مبارکباد کے مصافحے بھی کر لیے۔
لیکن جب تھرڈ امپائر نے بال ٹریکنگ اور ریپلے کا باریک بینی سے جائزہ لیا تو معلوم ہوا کہ گیند پیڈ سے لگنے سے پہلے واضح طور پر بلے سے ٹکرائی تھی، یعنی گیند بیٹ اینڈ پیڈ ہوئی تھی۔ تھرڈ امپائر نے آن فیلڈ امپائر کا فیصلہ مسترد کرتے ہوئے شاداب خان کو ناٹ آؤٹ قرار دے دیا۔
انگلینڈ کے جبڑے سے فتح کا چھیننا
امپائر کے آؤٹ دینے اور پھر ریویو کی بدولت ملنے والی نئی زندگی کے بعد شاداب خان نے انگلینڈ ٹیم کے ہاتھ سے میچ چھین لیا۔ انہوں نے حارث رؤف کے ساتھ مل کر 10 ویں وکٹ کی شراکت میں شاندار اور جارحانہ بیٹنگ کا مظاہرہ کیا اور پاکستان کو ایک ناقابل یقین اور تاریخی فتح سے ہمکنار کرایا۔
شاداب خان اس میچ میں 113 رنز بنا کر ناٹ آؤٹ رہے اور پھر اس شاندار اننگز اور پاکستان کو ہارا ہوا میچ جتوانے پر مین آف دی میچ بھی قرار پائے۔
🚨🏴🇵🇰Shadab Khan again Saved Last Time Pakistan vs Australia 72* chasing now against England 113* Not Out 5 Sixes like Abdul Razaq 2.0 like Chasing Pakistani nation Forgive all Sins of Shadab Khan Now Become a Hero Allrounder..
#PAKvENG https://t.co/P3ocYDFXGG— Inshal Siddiqui🤍🇵🇰✨ (@InshalSid123) October 25, 2026
لاہور کے قذافی اسٹیڈیم میں کھیلی جا رہی یہ سہ فریقی ون ڈے سیریز پاکستان، انگلینڈ اور سری لنکا کی ٹیموں کے درمیان جاری ہے۔
سیریز کے اس چوتھے میچ میں آخری وکٹ کی اس تاریخی شراکت اور ڈرامائی ریویو نے نہ صرف شائقین کرکٹ کو حیران کر دیا بلکہ اس فتح کے بعد سیریز میں پاکستان کی پوزیشن انتہائی مستحکم کرتے ہوئے فائنل تک بھی پہنچا دیا ہے۔
