سپریم کورٹ نے پنجاب میں 14 مٸی کو انتخابات کرانے کے کیس کا تفصیلی فیصلہ جاری کر دیا ہے۔ حکم نامے میں کہا گیا ہے کہ الیکشن کمیشن اس حوالے سے ذمہ داری پوری نہیں کر سکا۔
جسٹس منیب اختر نے 25 صحفات پر مشتمل فیصلہ تحریر کیا ہے۔ تحریری حکم میں کہا گیا کہ عدالت کا شارٹ آرڈر برقرار ہے، الیکشن کمیشن کا اہم کام انتخابات کروانا ہے۔ حکم میں مزید کہا گیا کہ اب یہ معاملہ غیر موثر ہو چکا ہے، پنجاب اور کے پی کے نگران سیٹ اپ کے بعد اسپیکرز کی داٸر درخواستیں نمٹاٸی جاتی ہیں۔
سپریم کورٹ کے چیف جسٹس عمر عطا بندیال کی سربراہی میں 3 رکنی بینچ نے سماعت کی تھی۔ عدالت عظمیٰ نے کہا کہ انتخابات کرانا الیکشن کمیشن کی ذمہ داری ہے، انتخابات صرف درخواست گزاروں کا نہیں بلکہ عوام کا دیرینہ مطالبہ ہے۔
مزید پڑھیں
تحریری فیصلے میں مزید کہا گیا کہ الیکشن کمیشن کسی طور انتخابات کی تاریخ کو ازخود آگے نہیں بڑھا سکتا، الیکشن کمیشن تسلی بخش جواب نہیں دے سکا۔ الیکشن کمیشن کا فرض انتخابات بلکہ منصفانہ اور شفاف انعقاد بھی یقینی بنانا ہے، الیکشن کمیشن انتخابات کرانے کا ماسٹر نہیں بلکہ وہ آئینی عضو یا ادارہ ہے۔
