بعض اوقات ایسا ہوتا ہے کہ آپ کے دماغ پر کوئی گانا اس انداز میں سوار ہوجاتا ہے کہ آپ کو گانے کے بول نہیں یاد ہوتے۔ایسے میں بڑی مشکل ہوتی ہے کہ آپ وہ گانا یوٹیوب یا ایسے ہی کسی پلیٹ فارم سے تلاش کرکے سن سکیں۔
اب یوٹیوب کی طرف سے اس معاملے میں صارفین کو ایک بڑی سہولت فراہم کردی ہے۔ اب صارفین کو یوٹیوب پر گانا لکھ کر تلاش کرنا نہیں پڑے گا بلکہ وہ اس اس گانے کی دھن کو ہلکا سا گنگنائیں، یوٹیوب کو سنائیں باقی کام یوٹیوب کرے گا، یعنی صارفین یوٹیوب کی وائس سرچ میں صرف کسی گانے کی دھن گنگنائیں گے تو یو ٹیوب مطلوبہ گانا سامنے لا کر رکھ دے گا۔
یو ٹیوب پر گانا کیسے تلاش کریں؟
گوگل کے مطابق اگر آپ یوٹیوب پریمیم کے سبسکرائبر ہیں اور گنگنا کر گانا تلاش کرنا چاہتے ہیں تو آپ یوٹیوب وائس سرچ سے گانا تلاش کر سکتے ہیں، جس گانے کو آپ تلاش کر رہے ہیں اسے گنگنائیں تاکہ گانے کی شناخت ہو سکے، گانے کی شناخت کے بعد یوٹیوب متعلقہ آفیشل میوزک سامنے لے آئے گا۔
گوگل کے مطابق یو ٹیوب کا یہ نیا فیچر صرف اینڈرائیڈ فون پر یوٹیوب استعمال کرنے والے صارفین کے لیے محدود ہے۔
