سعودی عرب کے دارالحکومت ریاض میں سرجنوں کی ایک ٹیم نے یمن سے تعلق رکھنے والے آپس میں جڑے ہوئے جڑواں لڑکوں کو کامیابی سے الگ کر دیا۔
گلب نیوز کے مطابق سلمان اور عبداللہ پیدائشی طور پر پیٹ اور دھڑ سے جڑے ہوئے تھے، ان کا ایک مثانہ اور بڑی آنت تھی۔ شاہ سلمان اور ولی عہد شہزادہ محمد بن سلمان کی ہدایت کے بعد ریاض کے کنگ عبداللہ سپیشلسٹ چلڈرن ہسپتال میں انہیں الگ کرنے کا آپریشن کیا گیا۔ اس کی مالی اعانت شاہ سلمان انسانی امداد اینڈ ریلیف سنٹر (کے ایس ریلیف) نے کی تھی۔
پینتیس ڈاکٹروں، ماہرین اور نرسوں کی ایک ٹیم نے آٹھ گھنٹے تک جاری رہنے والے آپریشن کے دوران چھ مراحل میں نازک جراحی کے طریقہ کار کو انجام دیا۔ جڑواں بچوں کے والدین نے اپنے بیٹوں کی مدد کرنے پر سعودی قیادت اور طبی ٹیم کا شکریہ ادا کیا اور لڑکوں کی دیکھ بھال میں شامل ہر فرد کی جانب سے گرمجوشی سے ملنے والی مہمان نوازی پر اظہار تشکر کیا۔
کے ایس ریلیف کے کنجوائنڈ ٹوئنز پروگرام نے اب تک 23 ممالک کے بچوں کے لیے علیحدگی کے 55 آپریشن سپانسر کیے ہیں۔ مملکت مریضوں اور ان کے اہل خانہ کے علاج اور دیکھ بھال، نقل و حمل اور رہائش کے تمام اخراجات کا احاطہ کرتی ہے۔
