رواں ماہ شروع ہونے والا کرکٹ کا سب سے بڑا ایونٹ آئی سی سی مینز کرکٹ ورلڈ کپ کا 13 واں ایڈیشن ہے۔ یہ ٹورنامنٹ ہر چار سال بعد منعقد کیا جاتا ہے۔ اب کی بار یہ ٹورنامنٹ بھارت میں کھیلا جارہا ہے جس میں 10 ٹیمیں شرکت کریں گی
میگا ایونٹ کا آغاز 05 اکتوبر کو بھارت کے شہر احمد آباد میں ہوگا۔ پہلے میچ میں انگلینڈ اور نیوزی لینڈ کی ٹیمیں مد مقابل ہوں گی جبکہ گروپ سٹیج کا آخری میچ 12 اکتوبر کو کھیلا جائے گا۔
کرکٹ ورلڈ کپ 2023 کے سیمی فائنلز 15 اور 16 نومبر کو جب کہ فائنل مقابلہ 19 نومبر کو احمد آباد میں ہو گا۔
بھارت میں 10 مما لک کی ٹیمیں بہترین کارکردگی دکھانے کے لیے میدان میں اتریں گی۔ تمام ٹیموں نے آئی سی سی سپر لیگ کے ذریعے اس میگا ایونٹ کے لیے کوالیفائی کیا ہے۔
آئی سی سی سپر لیگ 2020 سے 2023 کے درمیان کھیلی گئی جس میں مختلف ٹیموں نے ایک دوسرے کے خلاف ایک روزہ میچوں کی سیریز کھیلی اور فہرست میں پہلے 8 نمبر پر آنے والی ٹیموں نے آئی سی سی مینز ورلڈ کپ کے لیے براہ راست کوالیفائی کیا۔ فہرست میں آخری 5 نمبروں پر رہنے والی ٹیموں نے کوالیفائنگ راؤنڈ کھیلا جن میں سے سری لنکا اور نیدر لینڈز نے ورلڈ کپ کے لیے کوالیفائی کر لیا اور یوں میگا ایونٹ کے لیے 10 ٹیمیں مکمل ہوئیں۔
فارمیٹ، میچز اور پوائنٹس
مینز کرکٹ ورلڈ کپ 2023 کے تمام میچ 50 اوورز پر مشتمل ہوں گے اور اگر بارش میچ کو متاثر کرتی ہے تو امپائرز ڈک ورتھ لوئیس قانون کے تحت میچ کے اوورز کی تعداد کا تعین کریں گے۔
ٹورنامنٹ میں ہر ایک ٹیم 9 میچز کھیلے گی اور گروپ اسٹیج میں ٹاپ فور ٹیمز براہ راست سیمی فائنل کے لیے کوالیفائی کر جائیں گی۔
گروپ اسٹیج میں ہر میچ جیتنے والی ٹیم کو 2 پوائنٹس ملیں گے جبکہ میچ ڈرا ہونے کی صورت میں دونوں ٹیمیں ایک ایک پوائنٹ شیئر کریں گی۔ اگر گروپ اسٹیج کے اختتام پر 2 یا زیادہ ٹیموں کے پوائنٹس برابر ہوتے ہیں تو سیمی فائنل میں جانے کے لیے فیصلہ نیٹ رن ریٹ کی بنیاد پر ہو گا۔
گروپ اسٹیج میں نمبر ون آنے والی ٹیم چوتھے نمبر پر آںے والی ٹیم سے جب کہ نمبر 2 اور 3 پر رہنے والی ٹیموں کا مقابلہ ہو گا۔ ان میچز کی فاتح ٹیمیں 19 نومبر کو ٹرافی کے لیے جنگ لڑیں گی۔
گزشتہ ایڈیشن کے فائنل میں کیا ہوا؟
آئی سی سی مینز کرکٹ ورلڈ کپ کا آخری ایڈیشن 2019 میں انگلینڈ میں کھیلا گیا جس کے فائنل کا اختتام انتہائی ڈرامائی انداز میں ہوا تھا۔ جب میچ کا سپر اوور بھی میچ کا فیصلہ نہ کرسکا تو مقابلے کا فیصلہ ایسے اصول پر کیا گیا جس سے اس وقت شاید کوئی بھی واقف نہیں تھا۔ یوں اس فائنل میچ کے دوران زیادہ باؤنڈریز لگانے والی ٹیم کو فاتح قرار دیا گیا۔
میچ کے ہیرو انگلینڈ کے سٹار آل راؤنڈر بین اسٹوکس تھے جنہوں نے 84 رنز کی شاندار اننگز کھیلی تھی۔
بھارت نے 2019 کے ورلڈ کپ میں گروپ اسٹیج کو ٹاپ کیا تھا مگر اسے سیمی فائنل میں نیوزی لینڈ کے ہاتھوں شکست ہوئی تھی دوسری جانب انگلینڈ نے آسٹریلیا کو شکست دے کر فائنل میں جگہ بنائی تھی۔
اب تک ہونے والے میگا ایونٹس میں کیا ہوا؟
آئی سی سی مینز کرکٹ ورلڈ کپ پہلی بار 1975 میں جبکہ دوسری بار 1979 میں کھیلا گیا جس دونوں میگا ایونٹس کی میزبانی انگلینڈ نے کی۔ آغاز کے دونوں ٹورنامنٹس ویسٹ انڈیز نے جیتے تھے اور 2023 میں یہ پہلا موقع ہے کہ ویسٹ انڈیز کی ٹیم اس ٹورنمامنٹ کے لیے کوالیفائی نہیں کر پائی۔
آسٹریلیا نے اس ٹورنا منٹ کو مسلسل تین بار (1999، 2003 اور 2007) جیت کر ورلڈ کپ جیتنے کی ہیٹ ٹرک کرنے کا منفرد ریکارڈ اپنے نام کر رکھا ہے جبکہ سب سے زیادہ پانچ بار ٹائٹل جیتنے کا اعزاز بھی کینگروز کو حاصل ہے۔
اس ٹورنامنٹ کو آسٹریلیا کے بعد بھارت اور ویسٹ انڈیز نے 2 2 بار جبکہ انگلینڈ، پاکستان اور سری لنکا نے ایک ایک بار جیت رکھا ہے۔
فائنل سے پہلے فائنل:
پورا ورلڈ کپ ایک طرف دنیا کے سب سے بڑے اسٹیڈیم میں ہونے والا کرکٹ کی دنیا کا سب سے بڑا پاک بھارت ٹاکرا ایک طرف۔ پوری دنیا کی نظریں اس مقابلے پر ہوں گی اور فائنل سے پہلے فائنل 14 اکتوبر کو بھارت کے شہر احمد آباد میں ہو گا۔
کیا آئی سی سی مینز ورلڈ کپ کے ٹکٹس دستیاب ہیں؟
ورلڈ کپ کے کچھ میچوں کے ٹکٹس ابھی بھی آئی سی سی کی ویب
سائٹ https://www.cricketworldcup.com/پر دستیاب ہیں۔
ٹیمیں اور کھلاڑی:
افغانستان
حشمت اللہ شاہدی (کپتان)، رحمان اللہ گرباز، ابراہیم زدران، ریاض حسن، رحمت شاہ، نجیب اللہ زدران، محمد نبی، اکرام علی خیل، عظمت اللہ عمرزئی، راشد خان، مجیب الرحمان، نور احمد، فضل الحق فاروقی، عبدالرحمن، نوین الحق۔
World Cup Bound AfghanAtalan Squad 🚨
Presenting before you the AfghanAtalan squad for the ICC Cricket World Cup 2023 in India. 🤩#AfghanAtalan | #CWC23 | #WarzaMaidanGata pic.twitter.com/r0SGg3KV8v
— Afghanistan Cricket Board (@ACBofficials) September 13, 2023
آسٹریلیا
پیٹ کمنز (کپتان)، اسٹیو اسمتھ، الیکس کیری، جوش انگلیس، سین ایبٹ، کیمرون گرین، جوش ہیزل ووڈ، ٹریوس ہیڈ، مارنس لیبوشینگ، مچل مارش، گلین میکسویل، مارکس اسٹوئنس، ڈیوڈ وارنر، ایڈم زمپا، مچل اسٹارک۔
Australia, here’s your squad to take on the ODI World Cup in India starting on October 8!
Congratulations to all players selected 👏 #CWC23 pic.twitter.com/xZAY8TYmcl
— Cricket Australia (@CricketAus) September 28, 2023
بنگلہ دیش
شکیب الحسن (کپتان)، لٹن داس، تنزید حسن تمیم، نجم الحسن شانتو ، توحید ہردوئے، مشفیق الرحیم، محمود اللہ ریاض، مہدی حسن میراز، نسم احمد، شک مہدی حسن، تسکین احمد، مستفیض الرحمان، حسن محمود، شورفل اسلام، تنزیم حسن ثاقب۔
Introducing the men in Green and Red for the World Cup. 🇧🇩🏏#BCB | #Cricket | #CWC23 pic.twitter.com/dVy9s4FijA
— Bangladesh Cricket (@BCBtigers) September 26, 2023
انگلینڈ
جوس بٹلر (کپتان)، معین علی، گس اٹکنسن، جونی بیرسٹو، سیم کرن، لیام لیونگسٹون، ڈیوڈ مالان، عادل رشید، جو روٹ، ہیری بروک، بین اسٹوکس، ریس ٹوپلی، ڈیوڈ ولی، مارک ووڈ، کرس ووکس۔
🚨 BREAKING: England have named their provisional 15-member squad for the @cricketworldcup 2023, with a few surprise selections 📝
Details 👇https://t.co/B3OPB01nVX
— ICC Cricket World Cup (@cricketworldcup) August 16, 2023
بھارت
روہت شرما (کپتان)، ہارڈک پانڈیا ، شبمن گل، ویرات کوہلی، شریاس ائیر، کے ایل راہول، رویندرا جدیجا، شاردل ٹھاکر، جسپریت بمراہ، محمد سراج، کلدیپ یادو، محمد شامی، روی چندرن ایشون، ایشان کشن، سوریا کمار یادیو۔
R Ashwin replaces injured Axar Patel in the 15-member squad.
We wish Axar a speedy recovery 👍 👍#TeamIndia‘s final squad for the ICC Men’s Cricket World Cup 2023 is here 🙌#CWC23 pic.twitter.com/aejYhJJQrT
— BCCI (@BCCI) September 28, 2023
نیدر لینڈز
سکاٹ ایڈورڈز (کپتان)، میکس او ڈاؤڈ، باس ڈی لیڈے، وکرم سنگھ، تیجا ندامانورو، پال وین میکرین، کولن ایکرمین، رولوف وین ڈیر مروے، لوگن وین بیک، آرین دت، ریان کلین، ویسلے بیریسی، ثاقب ذوالفقار، شاریز احمد، سائبرینڈ اینجلبرچٹ۔
نیوزی لینڈ
کین ولیمسن (کپتان)، ٹرینٹ بولٹ، مارک چیپ مین، ڈیون کونوے، لوکی فرگوسن، میٹ ہنری، ٹام لیتھم، ڈیرل مچل، جمی نیشم، گلین فلپس، ریچن رویندرا، مچ سینٹنر، ایش سودھی، ٹم ساؤتھی، ول ینگ۔
Our 2023 @cricketworldcup squad introduced by their number 1 fans! #BACKTHEBLACKCAPS #CWC23 pic.twitter.com/e7rgAD21mH
— BLACKCAPS (@BLACKCAPS) September 11, 2023
پاکستان
بابر اعظم (کپتان)، شاداب خان، فخر زمان، امام الحق، عبداللہ شفیق، محمد رضوان، سعود شکیل، افتخار احمد، سلمان علی آغا، محمد نواز، اسامہ میر، حارث رؤف، حسن علی، شاہین آفریدی، محمد وسیم
🚨 Our squad for the ICC World Cup 2023 🚨#WeHaveWeWill | #CWC23 pic.twitter.com/pJjOOncm56
— Pakistan Cricket (@TheRealPCB) September 22, 2023
ساؤتھ افریقہ
ٹیمبا باووما (کپتان)، جیرالڈ کوٹزی، کوئنٹن ڈی کوک، ریزا ہینڈرکس، مارکو جانسن، ہینرک کلاسین، کیشو مہاراج، ایڈن مارکرم، ڈیوڈ ملر، لونگی نگیڈی، اینڈائل پھہلوکوایو، کاگیسو ربادا، تبریز شمسی، رسی وانڈر ڈوسن، لیذاڈ ولیمز۔
🟡 #CWC23 TEAM UPDATE 🟢
White-ball head coach Rob Walter today confirmed that Anrich Nortje & Sisanda Magala have been ruled out of the @cricketworldcup in India 🇿🇦🏆
✅ Andile Phehlukwayo & Lizaad Williams
❌Sisanda Magala & Anrich Nortje #BePartOfIt pic.twitter.com/WhDiCNDNjY
— Proteas Men (@ProteasMenCSA) September 21, 2023
سری لنکا
داسن شاناکا (کپتان)، کوسل مینڈس ، کوسل پریرا، پاتھم نسانکا، لاہیرو کمارا، دیموتھ کرونارتنے، سدیرا سماراویکرما، چارتھ اسالنکا، دھننجایا ڈی سلوا، مہیش تھیکشانا، دونتھ ویلالگے ، کسون راجیتھا، متھیشا پتھریانا، دلشن مدھو شنکا، دوشان ہیمناتھا۔
Sri Lanka reveals its squad for the ICC Men's Cricket World Cup 2023!
Let's rally behind the #LankanLions 🦁👊#CWC23 pic.twitter.com/niLO7C7RPY
— Sri Lanka Cricket 🇱🇰 (@OfficialSLC) September 26, 2023
کرکٹ ورلڈ کپ 2023 لائیو کہاں دیکھ سکتے ہیں؟
برطانیہ (یو کے) میں رہنے والے کرکٹ شائقین اسکائی اسپورٹس پر میچز براہ راست دیکھ سکیں گے جب کہ چینل 5 میگا ٹورنامنٹ کی جھلکیاں دکھائے گا۔
ٹیسٹ میچ اسپیشل اس ٹورنامنٹ کی کمنٹری کو ریڈیو 5 اسپورٹس کے ذریعے اپنے شائقین کے لیے براہ راست دکھائے گا جب کہ بی بی سی اسپورٹس اپنی ویب سائٹ پر تمام میچز کی جھلکیاں دکھائے گا۔
آسٹریلیا میں رہنے والے شائقین کے لیے فوکس اسپورٹس اور نیوزی لینڈ میں اسکائی اسپورٹس پر میچز کو براہ راست دکھایا جائے گا۔
بھارت میں تمام میچز اسٹار سپورٹس براہ راست نشر کرے گا جب کہ پاکستان میں پی ٹی وی اسپورٹس اور اے اسپورٹس پر میچز براہ راست ہوں گے۔
ویسٹ انڈیز میں کرکٹ شائقین ای ایس پی این کرک انفو دکھائے گا جبکہ شمالی امریکہ میں شائقین ESPN CricInfoاور Willow TV کے ذریعے میچز کو براہ راست دیکھ سکیں گے۔
ساؤتھ افریقہ میں Supersport اور سری لنکا میں Maharaja TV پر میچز کو دیکھا جا سکتا ہے۔
بنگلہ دیش میں Ghazi TV اور افغانستان میں Ariana TV کو میگا ایونٹ کے تمام میچز براہ راست دکھانے کے حقوق حاصل ہوئے ہیں۔
پاکستانی شائقین ٹیپ میڈ، اے آر وائی زیب، تماشہ، دراز اور شوق نامی ایپس پر ورلڈ کپ کے میچز لائیو دیکھ سکیں گے۔