پاکستان تحریک انصاف (پی ٹی آئی) کے سابق سینئر رہنما اسد عمر نے سیاست کو مکمل طور پر چھوڑنے کا اعلان کر دیا ہے۔ انہوں نے سوشل میڈیا پر اپنے ایک پیغام میں سیاست چھوڑنے کا اعلان کیا ہے۔ انہوں نے لکھا کہ ایک دہائی سے زیادہ عوامی زندگی کے بعد اب وہ سیاست کو مکمل طور پر چھوڑنے کا فیصلہ کر چکے ہیں۔
سابق وفاقی وزیر خزانہ اسد عمر نے ایکس پر اپنے آفیشل اکاؤنٹ سے پوسٹ کرتے ہوئے لکھا کہ انہوں نے مکمل طور پر سیاست کو خیر باد کہہ دیا ہے، جیسا کہ وہ پہلے بھی عوامی سطح پر کہہ چکے ہیں کہ وہ ریاستی اداروں کے ساتھ تصادم کی پالیسی سے متفق نہیں ہیں۔
ایک دہائی سے زیادہ عوامی زندگی کے بعد، میں نے
سیاست کو مکمل طور پر چھوڑنے کا فیصلہ کیا ہے۔جیسا کہ میں پہلے بھی عوامی سطح پر کہہ چکا ہوں کہ
میں ریاستی اداروں کے ساتھ تصادم کی پالیسی سے متفق نہیں ہوں اور ایسی پالیسی ریاستی اداروں کے ساتھ شدید ٹکراؤ کا باعث بنی ہے جو کہ ملک کے…— Asad Umar (@Asad_Umar) November 11, 2023
’ریاستی اداروں کے ساتھ تصادم کی پالیسی سے متفق نہیں ہوں اور ایسی پالیسی ریاستی اداروں کے ساتھ شدید ٹکراؤ کا باعث بنی ہے جو کہ ملک کے مفاد میں نہیں ہے۔‘
مزید پڑھیں
انہوں نے پی ٹی آئی کی بنیادی رکنیت سے بھی استعفیٰ دینے کا اعلان کر دیا، انہوں نے ان تمام لوگوں کا شکریہ ادا کرتے ہوئے لکھا کہ جن لوگوں نے اس سارے عمل میں میرا ساتھ دیا ان کا شکرگزار ہوں۔
’خاص طور پر میں این اے 54 کی ٹیم اور ووٹرز کا شکریہ ادا کرنا چاہتا ہوں جنہوں نے مجھے 2 بار منتخب کیا۔ جس حلقے میں بھی رہا اس حلقے کی خدمت کرنے کی بھر پور کوشش کی۔ اللہ پاک پاکستانی قوم پر اپنی رحمتیں نازل فرمائے۔‘
واضح رہے 9 مئی کے واقعہ کے بعد اسد عمر نے پاکستان تحریک انصاف کے جنرل سیکرٹری کے عہدے سے استعفیٰ دے دیا تھا جبکہ پارٹی میں موجود رہنے کا اعلان کر رکھا تھا۔ لیکن آج انہوں نے سیاست کو خیر باد کہتے ہوئے پی ٹی آئی کو بھی مکمل طور پر خیر باد کہہ دیا۔