پاکستان کرکٹ ٹیم کے لیگ اسپنر ابرار احمد آسٹریلیا کے خلاف ٹیسٹ سیریز کے پہلے میچ سے باہر ہو گئے ہیں۔
پاکستان کرکٹ بورڈ (پی سی بی) کے مطابق آسٹریلیا کے خلاف سیریز کے آغاز سے قبل آسٹریلیا کی پرائم منسٹر الیون کے ساتھ 4 روزہ میچ کے دوران ابرار احمد کو دائیں گھٹنے میں درد کی شکایت ہوئی تھی اور وہ میدان سے باہر چلے گئے تھے۔
مزید پڑھیں
میڈیکل ٹیم نے ابرار احمد کا معائنہ کرنے کے بعد ان کا ایم آر آئی اسکین کرایا تھا۔ اب پیر کو پرتھ میں ان کا معائنہ کرنے کے بعد میڈیکل ٹیم کی نگرانی میں ری ہبلیٹیشن جاری رہے گا تاکہ بولر کی ریکوری ہوسکے۔
ابھی تک ابرار احمد ٹیسٹ سیریز کے پہلے میچ سے ہی باہر ہوئے ہیں جو 14 دسمبر سے شروع ہونا ہے۔ اب دوسرے میچ سے قبل واضح ہو جائے گا کہ وہ صحت یاب ہو کر دوسرے میچ کے لیے دستیاب ہوں گے یا نہیں۔
وہاب ریاض نے متبادل بولر کے لیے ساجد خان کے نام کی منظوری دیدی
دوسری جانب قومی کرکٹ ٹیم کے چیف سلیکٹر وہاب ریاض نے ٹیم مینجمنٹ کی درخواست پر آف اسپنر ساجد خان کے نام کی منظوری دے دی ہے جو آسٹریلیا میں قومی کرکٹ ٹیم کو جوائن کریں گے۔
قومی کرکٹ ٹیم آسٹریلیا کے خلاف ٹیسٹ سیریز کا پہلا میچ 14 دسمبر سے کھیلے گی۔
دونوں ٹیموں کے درمیان ٹیسٹ سیریز کا پہلا میچ پرتھ میں کھیلا جائے گا جبکہ دوسرا ٹیسٹ میچ 26 دسمبر سے میلبرن میں ہو گا۔ تیسرے اور آخری ٹیسٹ میچ میں دونوں ٹیمیں 3 جنوری سے سڈنی میں آمنے سامنے ہوں گی۔