آسٹریلیا کے خلاف ٹیسٹ سیریز کے لیے پاکستان ٹیم میں شامل 4 نئے کھلاڑی کون ہیں؟

پیر 20 نومبر 2023
icon-facebook icon-twitter icon-whatsapp

پاکستان کرکٹ بورڈ نے دورہ آسٹریلیا کے لیے پاکستان کی 18 رکنی ٹیسٹ ٹیم کا اعلان کردیا ہے۔ ٹیم میں سینئر اور جونیئیر کھلاڑیوں کو شامل کیا گیا ہے۔

پاکستان ٹیسٹ ٹیم میں شامل کھلاڑی

شان مسعود ( کپتان )، عامرجمال، عبداللہ شفیق، ابرار احمد، بابراعظم، فہیم اشرف، حسن علی، امام الحق، خرم شہزاد، میرحمزہ، محمد رضوان، محمد وسیم جونیئر، نعمان علی، صائم ایوب، سلمان علی آغا، سرفراز احمد، سعود شکیل اور شاہین شاہ آفریدی۔

پی سی بی نے آسٹریلیا کے خلاف ٹیسٹ سیریز کے لیے چند جونیئر کھلاڑیوں کو بھی ٹیم کا حصہ بنایا ہے۔ ان جونیئر کھلاڑیوں میں عامر جمال، میر حمزہ، صائم ایوب اور خرم شہزاد شامل ہیں۔ یہ نئے کھلاڑی کون ہیں اور کیسے اس مقام تک پہنچے ہیں، آئیے ان تفصیلات پر ایک نظر ڈالتے ہیں:

عامر جمال

27 سالہ آل راؤنڈر عامر جمال کا تعلق میانوالی کے گاؤں کلور شریف سے ہے۔ دائیں ہاتھ سے بلے بازی کرنیوالے اور میڈیم فاسٹ بولر عامر جمال نے یکم ستمبر 2018ء کو قائد اعظم ٹرافی 2018-19ء میں پاکستان ٹیلی ویژن کی جانب سے کھیل کر اپنے فرسٹ کلاس کرکٹ کیرئیر کا آغاز کیا۔ انہوں نے 29 فرسٹ کلاس میچز کھیلے ہیں۔ عامر جمال نے 4 انٹرنیشنل ٹی20 میچز کی 3 اننگز میں 21.66 کی اوسط سے 65 رنز بنائے، ان کا سٹرائیک ریٹ 191.17 ہے۔ ان 4 میچز میں بولنگ کرتے ہوئے انہوں نے صرف ایک وکٹ حاصل کی۔ عامر جمال کو انٹرنیشنل ٹیسٹ یا ایک روزہ میچز میں ابھی تک پاکستان کی نمائندگی کا موقع نہیں ملا۔

صائم ایوب

21 سالہ آل راؤنڈر صائم ایوب کا تعلق کراچی سے ہے، بائیں ہاتھ سے بلے بازی کرنیوالے اور رائٹ آرم میڈیم فاسٹ اور آف بریک بولر صائم ایوب نے 20 فروری 2021ء کو کوئٹہ گلیڈی ایٹرز کے لیے پاکستان سپر لیگ 2021ء میں اپنے ٹی20 کیریئر کا آغاز کیا تھا۔ صائم ایوب نےاس سیزن کی قائداعظم ٹرافی کے 4 میچز میں 3 سنچریوں کی مدد سے553 رنز بنائے جس میں فیصل آباد کے خلاف فائنل میں میچ وننگ ڈبل سنچری قابل ذکر تھی۔ انہوں نے اپنی شاندار فارم کو جاری رکھتے ہوئے پاکستان کپ ایک روزہ ٹورنامنٹ میں بھی سب سے زیادہ 397 رنز بنائے اور وہ ٹورنامنٹ کے بہترین بیٹر قرار پائے۔

صائم ایوب نے پاکستان کی جانب سے 8 انٹرنیشنل ٹی20 میچز کھیلے۔ انہوں نے 7 اننگز میں 17.57 کی اوسط سے 123 رنز بنائے، ان کا سٹرائیک ریٹ 123 اور بہترین اسکور 49 ہے۔ صائم ایوب نے بھی ابھی تک کوئی انٹرنیشنل ٹیسٹ اور ایک روزہ میچ نہیں کھیلا ہے۔

میر حمزہ

کراچی سے تعلق رکھنے والے 31 سالہ میر حمزہ بائیں ہاتھ سے بولنگ کرنے والے میڈیم فاسٹ بولر ہیں جو اس سے قبل 3 ٹیسٹ میچز میں پاکستان کی نمائندگی کرچکے ہیں اور انہوں نے ان میچز کی 6 اننگز میں 132 کی اوسط سے 2 وکٹیں حاصل کی ہیں۔ میر حمزہ نے 105  فرسٹ کلاس میچز میں 22.34 کی اوسط سے 418 وکٹیں حاصل کی ہیں۔

خرم شہزاد

ٹیسٹ اسکواڈ میں فیصل آباد سے تعلق رکھنے والے دائیں ہاتھ بولنگ کرنے والے 23 سالہ فاسٹ باؤلر خرم شہزاد کو بھی پہلی مرتبہ شامل کیا گیا ہے، جنہوں نے رواں برس قائداعظم ٹرافی میں 20.31 کی اوسط سے سب سے زیادہ 36 وکٹیں حاصل کی تھی اور ایک روزہ ٹورنامنٹ پاکستان کپ میں بھی عمدہ باؤلنگ کرتے ہوئے 13 وکٹیں حاصل کیں۔

واضح رہے کہ پاکستان قومی ٹیسٹ ٹیم اپنے دورہ آسٹریلیا کے دوران 14 دسمبر سے 7 جنوری کے درمیان میزبان ٹیم کے ساتھ 3 ٹیسٹ میچوں کی سیریز کھیلے گی۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

طالبان ترجمان ذبیع اللہ کا ’داعش‘ کے مکمل خاتمے کا دعویٰ جھوٹا اور بے بنیاد نکلا، 2 ہزار دہشتگردوں کی موجودگی برقرار

ایرانی شہری کو غیر قانونی پاکستانی شناختی کارڈ جاری کرنے کا الزام، نادرا کے سابق اسسٹنٹ ڈائریکٹر گرفتار

حکومت کا بڑا معاشی اقدام، ایس ایم ایز کے لیے 300 ارب روپے کی خصوصی فنانسنگ کا اعلان

’این سی سی آئی اے‘ کال سینٹرز کے خلاف کریک ڈاؤن کیوں کررہی ہے؟

ایک لاکھ کے ڈیپ فریزر پر 35 لاکھ روپے ہرجانے کا مطالبہ، کراچی میں دلچسپ مقدمہ سامنے آگیا

ویڈیو

سُرتال اکیڈمی کے بچوں کی بھارت سمیت دنیا بھر میں دھوم

اسموگ کے خاتمے کے لیے لاہور میں اینٹی اسموگ گنز کا دائرہ وسیع، لاک ڈاؤن کا کوئی منصوبہ نہیں

ترقی کے سفر میں لیہ کب شامل ہوگا؟ شہری بڑے ترقیاتی منصوبوں کے منتظر

کالم / تجزیہ

امریکی الیکشن جو ریفرنڈم بن گیا

تحریک انصاف، جے یو آئی اور جماعت اسلامی: ایک سماجی مطالعہ

نئے صوبے کس کی اجارہ داری توڑیں گے؟