قومی کرکٹ ٹیم کے وکٹ کیپر بیٹر محمد رضوان نے آسٹریلیا کے شہر میلبورن کی مسجد میں دعوت تبلیغ کی بنائی گئی ویڈیو جاری کرکے مداحوں کے دل جیت لیے۔
مائیکرو بلاگنگ سائٹ ایکس پر محمد رضوان نے ویڈیو کلپ جاری کیا، جس میں انہیں میلبورن کی مسجد میں منبر پر بیٹھ کر لوگوں کو درس دیتے دیکھا جاسکتا ہے۔ ویڈیو کے ساتھ وکٹ کیپر نے لکھا کہ ’میلبورن کی مسجد میں ’اللہ‘ کے دین پر تقریر کی۔‘
Delivered a speech on the religion of “ALLAH” in the Melbourne mosque. 🕌 pic.twitter.com/B8HxLNThl0
— Muhammad Rizwan (@IamRizwanPK) December 23, 2023
ویڈیو جیسے ہی سوشل میڈیا پر وائرل ہوئی شائقین کرکٹ اور مداحوں کی جانب سے بے پناہ محبت اور تعریفوں کے پل باندھے جا رہے ہیں۔ محمد رضوان نے سال 2022 میں نیوزی لینڈ کی کرائسٹ چرچ مسجد میں دعوت تبلیغ دی تھی۔
واضح رہے کہ پاکستان کرکٹ ٹیم ان دنوں 3 ٹیسٹ میچز کی سیریز کے لیے آسٹریلیا میں موجود ہے، قومی ٹیم پہلا مقابلہ پرتھ میں ہار چکی ہے۔ دوسرا ٹیسٹ میلبورن میں 26 سے 30 دسمبر تک کھیلا جائے گا۔
