پاکستانی اداکارہ عائشہ عمر نے کہا ہے کہ ان کوکبھی بھی شادی شدہ مردوں میں کشش محسوس نہیں ہوئی ،قومی کرکٹ ٹیم کے فاسٹ باؤلر شاہین شاہ بہت اچھے لگتے ہیں کیوں کہ وہ بہت کیوٹ ہیں،نسیم شاہ بھی بہت اچھے ہیں۔
ایک ٹی وی پروگرام میں گفتگو کرتے ہوئے عائشہ عمر کاکہنا تھا کہ شعیب ملک کے ساتھ فوٹو شوٹ کیا تھا جو کہ بہت اچھا رہا اور اس کا فیڈ بیک بھی آیا، لوگوں نے اس شوٹ پر سوچا کہ شاید میں ان سے شادی کروں گی مگر آج میں سب کو بتانا چاہتی ہوں کہ مجھے کبھی بھی کسی شادی شدہ مرد میں کشش محسوس نہیں ہوئی۔
عائشہ عمر نے اپنی زندگی کے حوالے سے گفتگو کرتے ہوئے کہا کہ جب میں ڈیڑھ سال کی تھی تو میرے والد فوت ہو گئے تھے اورہوش سنبھالتے ہی مجھے اپنے خاندان کو سہارا دینا پڑا مگر وقت کے ساتھ ساتھ راستے کھلتے گئے۔
