بھارت میں کھیلے گئے آئی سی سی مینز کرکٹ ورلڈ کپ 2023 میں پاکستان ٹیم کے لیے کوچ کی خدمات سرانجام دینے والے گرانٹ بریڈ برن نے پاکستان کرکٹ سے راہیں جدا کرلیں۔
انہوں نے اپنے استعفیٰ کا اعلان سماجی رابطے کی ویب سائٹ ’ایکس‘ پر اپنی پوسٹ میں کیا۔ گرانٹ بریڈ برن نے لکھا، ’ایک شاندار باب کو اب ختم کرنے کا وقت آگیا ہے، 5 سال کے دوران 3 مختلف عہدوں پر کام کیا، جن کے ساتھ کام کیا اور جو کچھ حاصل کیا اس پر فخر ہے‘۔
Bohat Bohat Shukriya 🇵🇰 pic.twitter.com/n0k0pagdtb
— Grant Bradburn (@Beagleboy172) January 7, 2024
پاکستان کرکٹ بورڈ ( پی سی بی) کی سابقہ مینیجمنٹ نے بریڈ برن کو گزشتہ برس مئی میں 2 سال کے لیے ٹیم کا کوچ مقرر کیا تھا۔ تاہم ورلڈ کپ میں قومی ٹیم کی خراب کارکردگی پر موجودہ مینیجمنٹ نے بریڈ برن کو نیشنل کرکٹ اکیڈمی رپورٹ کرنے کا کہا تھا۔
گرانٹ بریڈ برن جلد گلیمورگن کاؤنٹی کی کوچنگ سنبھالیں گے۔
خیال رہے کہ اس سے قبل پاکستان کرکٹ ٹیم کے سابق بیٹنگ کوچ اینڈریو پیوٹک نے بھی پاکستان کرکٹ بورڈ کو خیرباد کہہ کر افغانستان کرکٹ ٹیم کے بیٹنگ کوچ کے طور پر ذمہ داریاں سنبھال لی تھیں۔
