ایران کے وزیر خارجہ حسین امیر عبداللہیان نے نگراں وزیر خارجہ جلیل عباس جیلانی کو ٹیلی فون کیا اور ایران کی قیادت اور عوام کی جانب سے نگراں حکومت کو پاکستان کے پارلیمانی انتخابات 2024 کے کامیاب انعقاد پر مبارکباد دی۔
مزید پڑھیں
ترجمان دفتر خارجہ کے مطابق وزیر خارجہ جلیل عباس جیلانی نے ایران کے برادر عوام کی جانب سے نیک خواہشات کو سراہا۔
دونوں وزرائے خارجہ نے پاکستان اور ایران کی حکومتوں کے ساتھ ساتھ عوام کے درمیان قریبی برادرانہ تعلقات کو اجاگر کرتے ہوئے باہمی دلچسپی کے تمام شعبوں میں دو طرفہ تعاون کو مزید مستحکم کرنے کے عزم کا اعادہ کیا۔
رواں ماہ کے شروع میں ایرانی وزیر خارجہ کے دورہ پاکستان کے بعد سے دونوں ممالک کے درمیان سرکاری مصروفیات مکمل طور پر بحال ہیں۔
