وزیراعلیٰ پنجاب مریم نوازشریف نے پنجاب میں کم آمدنی والے بے گھر افراد کے لیے’اپنی چھت، اپنا گھر‘ منصوبے کے تحت صوبے کے تمام اضلاع میں ایک لاکھ گھروں کی تعمیر کا اعلان کیا ہے۔
مزید پڑھیں
تفصیلات کے مطابق، پنجاب میں ’اپنی چھت، اپنا گھر‘ منصوبے کے سلسلے میں وزیراعلیٰ پنجاب مریم نواز شریف کی سربراہی میں ایک خصوصی اجلاس منعقد کیا گیا۔
وزیراعلیٰ پنجاب نے ایک لاکھ گھروں کی تعمیر کے اعلان کو عملی جامہ پہنانے کے لیے حکام سے ایک جامع پلان طلب کیا اور 6 ہفتے میں ماڈل گھر تیار کرنے کی ہدایت کی۔
اس منصوبے کے تحت پنجاب کے ہر ضلع میں کم آمدنی والے شہریوں کے لیے 3 ہزارسے زائد گھر بنائے جائیں گے۔ وزیراعلیٰ مریم نواز شریف نے ڈاؤن پے منٹ اور ماہانہ قسط کم سے کم رکھنے کی ہدایت کی ہے۔
اس موقع پر گفتگو کرتے ہوئے وزیراعلیٰ مریم نواز شریف نے کہا کہ پنجاب میں کم آمدن والے بے گھر افراد کو بنے بنائے گھر دیئے جائیں گے، غریب کے لیے چھت مہیا کرنا ہمار امنشور ہے، وعدہ ضرور پورا کریں گے۔
انہوں نے کہا کہ بنے بنائے گھروں کی تعمیر میں تعمیراتی معیار اورپائیداری کو ملحوظ خاطر رکھا جائے گا، یہ گھر شہروں کے قریب ہوں گے تاکہ لوگوں کو آمدورفت میں آسانی ہو۔
سابق سینیٹر پرویز رشید، ارکان اسمبلی عظمیٰ بخاری، چیف سیکریٹری، ایس ایم بی آر، چیئرمین پی اینڈ ڈی، سیکریٹری ہاؤسنگ، سیکریٹری فنانس، کمشنر لاہوراوردیگر حکام بھی اجلاس میں شریک تھے۔
