وزیر اطلاعات پنجاب عظمیٰ بخاری نے بیرسٹر سیف کے بیان پر رد عمل دیتے ہوئے کہا ہے کہ اڈیالہ جیل حکام کے مطابق پرویز الٰہی واش روم میں گرے اور زخمی ہوئے، بیرسٹر سیف مریم نواز پر الزام لگانے سے قبل اڈیالہ جیل حکام کی رپورٹ پڑھ لیتے۔
مزید پڑھیں
اتوار کو بیرسٹر سیف کے بیان پر ردعمل دیتے ہوئے وزیر اطلاعات پنجاب عظمیٰ بخاری نے کہا کہ پرویز الٰہی کے بیٹے کو باپ کی فکر نہیں بیرسٹر سیف ’بیگانی شادی میں عبداللہ دیوانہ ‘ والا رول ادا کر رہے ہیں۔
انہوں نے بیرسٹر سیف کو مشورہ دیا کہ پرویز الہٰی کا علاج کرنے کے بجائے اپنے وزیراعلیٰ کا علاج کروائیں، جو افسران کو اینٹیں مارنے کا مشورہ دے رہے ہیں۔
انہوں نے کہا کہ تانگہ پارٹی نے ہر اپنے جرم کا الزام مریم نواز پر لگانا وطیرا بنا لیا ہے، مریم نواز اتنی ’ویلی‘ نہیں کہ وہ تانگہ پارٹی کے ہر کارندے پر نظر رکھیں، مریم نواز اپنے صوبے کے عوام کی خدمت کے علاوہ اور کسی مخالف پر توجہ نہیں دے رہیں۔
عظمیٰ بخاری کا مزید کہنا تھا کہ علی اٰمین گنڈا پور ہو یا بیرسٹر سیف سب نے پانی پی ٹی ائی کا جھوٹا کھایا ہے، اپنے لیڈر کی طرح الزام برائے الزام کی سیاست ہی ان کا مشغلہ ہے۔
