خیبرپختونخوا میں گزشتہ روز کی بارش کے باعث 7 افراد جانبحق اور 9 افراد زخمی ہوئے، ریسکیو1122 کے مطابق مختلف حادثات میں جانبحق ہونے والے 4 افراد کی عمریں 10 سال سے بھی کم ہیں۔
مزید پڑھیں
ڈائریکٹر جنرل ریسکیو ڈاکٹر خطیر احمد نے بارش کے باعث ہونے والے نقصانات کی تفصیلات شیئر کرتے ہوئے 7 افراد کے جاں بحق اور 9 افراد کے زخمی ہونے کی تصدیق کی۔
انہوں نے کہا کہ چھتیں گرنے کے واقعات پشاور، نوشہرہ، شانگلہ، بنوں اور باجوڑ میں پیش آئے ہیں، مختلف حادثات میں جانبحق ہونے والے 4 افراد کی عمریں 10 سال سے بھی کم ہیں۔
ڈائریکٹر جنرل ریسکیو کے مطابق مختلف اضلاع میں کچی چھتیں و دیواریں گرنے سے جزوی نقصانات بھی ہوئے ہیں، ریسکیو کی میڈیکل و ڈیزاسٹر ٹیموں نے ریسکیو آپریشنز میں حصہ بھی لیا۔
انہوں نے بتایا کہ ریسکیو1122 کے خیبر پختونخوا کے تمام کنٹرول روم مکمل فعال ہیں، ریسکیو کے ٹال فری نمبر 1122 پر کال کرکے خدمات حاصل کی جاسکتی ہیں۔
