کراچی سے سیالکوٹ جانیوالی علامہ اقبال ایکسپریس کے انجن میں آگ لگنے سے رحیم یار خان ریجن میں ٹرینوں کی آمد ورفت معطل ہو گئی ہے، تاہم اس حادثے میں کسی جانی نقصان کی اطلاع نہیں ملی۔
مزید پڑھیں
ریلوے حکام کے مطابق علامہ اقبال ایکسپریس کے انجن میں آگ لگنے کا واقعہ رحیم یار خان میں فیروزہ ریلوے اسٹیشن کے قریب پیش آیا، جس کے باعث اپ ٹریک پر ٹرینوں کی آمد رفت معطل ہو گئی، جس کے بعد مسافر ٹرینوں کو مختلف اسٹیشنوں پر روک دیا گیا ہے۔
ترجمان پاکستان ریلویز کے مطابق آگ بجھانے کے بعد انجن تبدیل کرکے علامہ اقبال ایکسپریس کو منزل کی جانب روانہ کردیا جائے گا۔
واضح رہےکہ 2 ماہ قبل رحیم یار خان کے قریب مال گاڑی کی 2 بوگیاں پٹری سے اتر جانے سے ڈاؤن ٹریک پر ٹرینوں کی آمد و رفت کئی گھنٹے تک معطل رہی تھی۔