نارووال: لیگی کارکن کے قاتل گرفتار: غنڈہ گردی برداشت نہیں کریں گے، مریم نواز

اتوار 21 اپریل 2024
icon-facebook icon-twitter icon-whatsapp

ضمنی انتخابات کے موقع پر پنجاب کے ضلع نارووال میں لڑائی جھگڑے کے دوران قتل ہونے والے مسلم لیگی کارکن کے قاتلوں کو گرفتار کرلیا گیا۔

وزیراعلیٰ پنجاب مریم نواز نے کہا ہے کہ جاں بحق لیگی کارکن محمد یوسف کے قاتلوں کو گرفتار کرلیا گیا ہے۔

انہوں نے کہاکہ پی ٹی آئی کی غنڈہ گردی کسی صورت برداشت نہیں کریں گے۔ محمد یوسف کے اہل خانہ سے اظہار تعزیت اور دلی ہمدردی کا اظہار کرتے ہیں۔

وزیراعلیٰ پنجاب نے کہاکہ سیاست کو نفرت اور ذاتی دشمنی میں تبدیل کرنا معاشرے کے لیے بڑا چیلنج ہے۔

ان کا کہنا تھا کہ سیاست خدمت اور اصلاح کا نام ہے، تشدد اور عدم برداشت کا نہیں۔ سیاست کو ذاتیات اور تشدد کی حد تک پہنچانے والے لوگ ہی قوم کے اصل دشمن ہیں۔

واضح رہے کہ ضمنی انتخابات کے موقع پر نارووال کے علاقے ظفروال میں لڑائی جھگڑے کے دوران مسلم لیگی کارکن قتل ہوگیا تھا، جس کا الیکشن کمیشن نے بھی نوٹس لیا ہے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp