سندھ ہائیکورٹ نے صوبے کے علاقے ہالہ میں پی ٹی آئی رہنماؤں کے خلاف 20 بوریاں گندم چوری کے مقدمے میں حفاظتی ضمانت منظور کرلی۔
پی ٹی آئی رہنماؤں مخدوم فضل اور مخدوم محسن کے خلاف 20 بوریاں گندم چوری کے مقدمے میں ضمانت کی درخواست پر سماعت ہوئی۔
مزید پڑھیں
اس موقع پر درخواست گزاروں کے وکیل نے موقف اپنایا کہ میرے موکلین پر لگائے گئے الزامات بے بنیاد ہیں، ضمانت دی جائے۔
عدالت نے مخدوم فضل اور مخدوم محسن کی حفاظتی ضمانت منظور کرلی۔
عدالت نے ہالہ مٹیاری پولیس کو پی ٹی آئی رہنماوں کو گرفتار کرنے سے روک دیا جبکہ پی ٹی آئی رہنماؤں کو 50،50 ہزار روپے کے مچلکے جمع کرانے کا حکم دیدیا اور مخدوم فضل اور محسن کو شامل تفتیش اور متعلقہ ٹرائل کورٹ میں پیش ہونے کا بھی حکم دیا۔
پولیس کے مطابق مدعی مقدمہ نے بیان دیا تھا کہ میری زرعی زمین پر ملزم طویل عرصے سے زمین کی ملکیت کا دعویٰ کرتا رہا۔ ’ہالہ کے علاقے میں میری حویلی پر ملزمان نے حملہ کیا اور زمین پر اسلحے کے زور پر قبضہ کیا‘۔
مدعی کے مطابق حویلی سے مخدوم فیصل اور مخدوم محسن 20 بوریاں گندم اٹھا کر لے گئے تھے۔