خصوصی سرمایہ کاری سہولت کونسل کی کاوشوں سے آئی ٹی برآمدات میں تاریخی اضافہ

خصوصی سرمایہ کاری سہولت کونسل (SIFC)کی کوششوں سے آئی ٹی(IT) برآمدات میں تاریخی اضافہ ریکارڈ کیا گیا ہے۔ مارچ 2024 میں پاکستان کی آئی ٹی (IT) برآمدات بڑھ کر 306 ملین ڈالر کی بلند ترین سطح پر پہنچ گئیں۔

سال 2024 کے ابتدائی 9 ماہ میں آئی ٹی (IT) برآمدات مجموعی طور پر 2.28 بلین ڈالر تھیں جو سالانہ 17 فیصد اضافہ بنتا ہے۔ مالی سال 2024 کے آغاز میں آئی ٹی (IT) برآمدات 2.28 بلین ڈالر تھیں جن میں مارچ 2024 کے دوران 275 ملین ڈالر کا اضافہ ہوا جو 37 فیصد بنتا ہے۔

آئی ٹی اور ٹیلی کام سیکٹر، خصوصی سرمایہ کاری سہولت کونسل (SIFC) کے دائرے میں آنے والے کلیدی شعبوں میں سے ایک اہم شعبہ ہے۔ آئی ٹی سیکٹر میں اس ترقی کا سہرا خصوصی سرمایہ کاری سہولت کونسل (SIFC) کے ذریعے کی جانے والی ٹھوس کوششوں کے سر جاتا ہے۔

خصوصی سرمایہ کاری سہولت کونسل (SIFC) کی کوششوں سے اس سیکٹر میں اہم مراعات دی گئیں۔ مراعات میں اسٹیٹ بینک آف پاکستان (SBP) کے ذریعے ڈالر کی برقراری میں اضافے کے علاوہ، سرمایہ کاری کے ماحول کو بہتر بنانے کے لیے دیگر اقدامات بھی شامل ہیں۔

وزارت خزانہ کی پیشگوئی کے مطابق مالی سال 2024 کے دوران آئی ٹی (IT) کی برآمدات 3.5 بلین ڈالر تک بڑھ جائیں گی۔